Makao indettiń órshýine baılanysty jeti kúndik lokdaýn engizdi
COVID-19 taralýyna jol bermeý jónindegi vedomstvoaralyq komıssııanyń málimetinshe, l okdaýn 11 shildeden 18 shildege deıin sozylýy kerek. Aýrýhanalar, dárihanalar, bazarlar men qajetti taýarlary bar dúkender qalypty rejımde jumys isteıdi, ónerkásiptik óndiris pen kommertsııalyq qyzmetpen aınalysatyn kompanııalar jumysyn toqtatty.
«Qazirgi ýaqytta Makaoda koronavırýstyq ınfektsııanyń órshýi tórtinshi aptaǵa jalǵasýda, osy ýaqytqa deıin ınfektsııanyń 1,5 myńǵa jýyq jaǵdaıy anyqtaldy. Makaoda aýrýdyń taralýy aıasynda 10 shilde tańerteńnen 11 shildeniń saǵat 18.00 -ge deıin jalpy qalalyq PTR-testileýdiń jetinshi raýndy ótedi, onyń nátıjesinde bılik lokdaýnnyń kúshin joıý nemese uzartý týraly sheshim qabyldaıdy», - dep jazdy komıssııadan.
Arnaıy ákimshilik aýdanynyń Úkimeti karantındik sharalardyń oryndalýy mindetti ekenin, buzýshylyq eki jylǵa bas bostandyǵynan aıyrý túrindegi eń joǵary jazamen qylmystyq jaýaptylyqqa ákep soǵatynyn atap ótti. Bılik Makao turǵyndaryn tótenshe jaǵdaısyz úıden shyqpaýǵa jáne epıdemııaǵa qarsy sharalardy qatań saqtaýǵa shaqyrady.
Al Indonezııada 2022 jyldyń 17 shildesinen bastap kóliktiń barlyq túrlerine barý úshin údetkish vaktsına dozasyn talap ete bastaıdy. Ú detkish vaktsına alǵan kólik paıdalanýshylaryna endi koronavırýsqa antıgen analızin nemese PTR testin usynýdyń qajeti bolmaıdy.
6 jastan 17 jasqa deıingi saıahatshylar úshin mindetti qosymsha sharttar bar. Jastar koronavırýsqa qarsy tolyq vaktsınatsııa týraly sertıfıkat usynýy kerek.
Izraıldegi zertteý kórsetkendeı, esep boıynsha tórtinshi vaktsınatsııa egde jastaǵy azamattar tobyndaǵy koronavırýs ólimin 72%-ǵa tómendetedi. Osy kezde aýrýhanaǵa jatqyzý kórsetkishi 60% - ǵa tómendedi.
« Ben-Gýrıon jáne Tel-Avıv ýnıversıtetteriniń ǵalymdary koronavırýsqa qarsy tórtinshi vaktsınatsııa egde jastaǵy adamdardyń eń osal azamattary arasynda ólim-jitimdi 72%-ǵa tómendetedi dep eseptedi. Bul óte úlken aýqymdy zertteý, ol tórtinshi vaktsınatsııany alǵan qarttar úıindegi zeınetkerler týraly statıstıkany taldady jáne halyqtyń osy toby týraly málimetterdi tek úsh ınektsııadan ótken adamdarmen salystyrdy. Bul ótken qysta, elde Omıkron shtammyna baılanysty jańa indet bolǵan kezde boldy», - delingen habarlamada.