Mahovka ózeninde balyqtyń neden qyrylǵany anyqtaldy

NUR-SULTAN. QazAqparat – ShQO Mahovka ózenindegi balyq sý alabynyń tartylýynan qyryldy. Bul týraly Ekologııalyq retteý jáne baqylaý komıteti tóraǵasynyń orynbasary Erbolat Kojıkov aıtty, dep habarlaıdy QazAqparat tilshisi.

«Atalǵan sý alaby boıynsha tıisti zertteý jumystary júrgizildi. Sýdyń lastanýy týraly derek anyqtalǵan joq. Balyqtardyń qyrylýy ózenniń tartylýy saldarynan bolǵan. Sondaı-aq qys mezgili aıaqtalǵannan keıin usaq balyqtarǵa ottegi jetispeıdi. Osyndaı sebepterge baılanysty asa iri kólemdegi shyǵynǵa jatpaıtyn balyq qyryldy Al turǵyndardy alańdatqan ózenniń jasyl túske boıalýy – ol tabıǵı qubylys. Sáýir jáne mamyr aılarynda sý asty ósimdikteri túlep, arnaıy boıaý bóledi», – Erbolat Kojıkov.

Eske sala keteıik, osydan bir apta buryn Shyǵys Qazaqstan oblysy Glýbokoe aýdanyndaǵy Mahovka ózeninde balyq qyrylǵan edi.