Mahmut Qasymbekov: Qazaqstannyń tórtkúl dúnıege tanylýy Elbasynyń esimimen tikeleı baılanysty

NUR-SULTAN. QazAqparat - «Bolashaq búginnen bastalady» degen ulaǵat - Nursultan Nazarbaevtyń saıa­sı fılosofııasynyń negizin quraıtyn tujyrymdarynyń biri. Bul týraly QR Tuńǵysh Prezıdenti-Elbasy Keńsesiniń basshysy Mahmut Qasymbekovtiń «Egemen Qazaqstan» gazetinde jaryq kórgen maqalasynda aıtylǵan.

«Eldi damytý isindegi strategııalyq jos­parlaý - memlekettik basqarý men tıimdi saıası kóshbasshylyqtyń mańyzdy fýnktsııa­sy. Maqsattardy aıqyndaý, mindetterdi belgileý, olarǵa qol jetkizýdiń tetikteri men algorıtmin ázirleý árdaıym memleket pen onyń kóshbasshysynyń aıryqsha quzy­reti sanalady. Elbasy munyń ózara tyǵyz baılanysty dúnıe ekenin jaqsy biledi.

«Bolashaq búginnen bastalady» degen ulaǵat - Nursultan Nazarbaevtyń saıa­sı fılosofııasynyń negizin quraıtyn tujyrymdarynyń biri. Tuńǵysh Prezıdent jaýapty saıası qaıratker jáne Elbasy retin­de árdaıym ýaqyttan ozyq júretin jáne keleshektiń kókjıegin keńeı­tetin sheshim­der qabyldap, ıdeıalar usy­nyp otyrdy. Elbasy kótergen bastamalar elimizdiń XXI ǵasyrdaǵy damýy men jasampazdyǵyna baǵyttalǵan órkendeýdiń strategııalyq baǵytyn aıqyndady.

Nursultan Nazarbaevtyń tynymsyz zııatkerlik qyzmetiniń nátıjesinde ondaǵan kitaptar men doktrınalar, tujyrym­damalyq jáne baǵdarlamalyq maqalalar jaryq­qa shyqty. Ol elimiz ben jalpy adam­zattyń keleshektegi kelbetin qalyp­tastyratyn serpindi jobalar men baǵdar­lamalarǵa bastamashy boldy», - deıdi M.Qasymbekov.

Onyń atap ótýinshe, Elbasy dáıekti túrde usyn­ǵan strategııalyq qujattardyń bári basqarý­shy­lardyń jańa býyny úshin baǵyt-baǵdar beredi.

Bul qujattar memleketimizdiń uzaq mer­zimdi maqsattarynyń berik negizin aıqyndap, elimizdiń XXI ǵasyrdaǵy damýynyń barlyq basty baǵyttaryna qatysty Tuńǵysh Prezı­denttiń jahandyq kózqarasyn tanytady.

«Zamanaýı tsıfrly órkenıet jaǵ­daıyn­da halyqaralyq EKSPO-2017 mamandan­dyrylǵan kórmesiniń ótkizilýi álem­­degi jańa tehnologııalyq trendterdi úılesim­di ıgerýge jáne oǵan qatysýǵa múmkindik ber­gen Qazaqstannyń bastamasy edi. Oǵan 4 mıl­lıonǵa jýyq adam, sonyń ishinde álem­niń 187 elinen 600 myńnan astam týrıst keldi. EKSPO-2017 elimizdi jáne Qazaq­stan ulttyq brendin jahandyq keńis­tikte ınnovatsııalyq turǵydan ilgeri­letýdiń jańa belesi boldy.

Jahandaný úderisiniń qarqyndy júrýi jáne memlekettik shekaralardyń joıylýy ulttyq birtektiliktiń kúsheıe túsýin talap etedi. Elbasynyń «Rýhanı jańǵyrý» baǵ­­dar­lamasy men «Uly dalanyń jeti qyry» atty maqalasynda qamtylǵan ıdeıa­lar­dyń negizinde ulttyń rýhanı-mádenı ko­dyn dáıe­kti túrde zertteý jáne damytý hal­qy­myz­dyń jasampazdyq áleýetin aıtarlyqtaı art­tyrýǵa jol ashady. Qazaq álipbıin latyn qarpine kóshirý ulttyń jahan­dyq básekege qabilettiligin kúsheıtý isine zor úles qosady. Sondaı-aq bul shara Qazaqstannyń álemdik aqparattyq-má­denı jáne ǵylymı keńistikke enýine jańa múmkindikter týǵyzady.

Jastar - keleshektiń basty aktıvi. Nursultan Nazarbaev árdaıym kópqyrly ári júıeli túrde josparlanǵan jastar saıa­satyn júrgizdi. Bul strategııalyq tá­sil eli­mizdi álemniń ozyq damyǵan 30 mem­lek­etiniń qataryna qosa alatyn, bilimi tereń jas patrıottardyń myqty shoǵyryn qalyp­tas­tyrýǵa múmkindik berdi», - deıdi ol.

Maqalada atap ótilgendeı, kez kelgen isti bastaý ońaı emes. Sebebi kósh bastaýshylar negizinen táýekelge baryp, tumannan jol tabady. Adamzat tarıhynda azattyq pen táýelsizdiktiń shynaıy dámin tatpaǵan, daǵdarystar men dúr­be­leń­derdiń shyrmaýynan shyǵa almaǵan elder kóptep kezdesedi.

«Tuńǵysh Prezıdenttiń saıası danalyǵy­nyń, sarqylmas kúsh-qýatynyń, qaıtpas erik-jigeri men kóregendilik qabiletiniń ar­qasynda baǵyt-baǵdarymyzdy aıqyndap, ege­mendiktiń damý jolymen nyq júrip kelemiz.

Ǵalamdyq aýqymda oılaıtyn, naqty is­termen aınalysatyn, pragmatık, jańashyl­dyqqa árqashan ashyq, naǵyz patrıot, yn­ty­maqtastyqqa umtylatyn basshy kez kelgen halyqtyń peshenesine jazyla bermeıdi.

Nursultan Nazarbaev - óz zamanynan oza týǵan, oılary árdaıym batyldyǵymen jáne jańashyldyǵymen erekshelenip, tańǵaldyratyn jahandyq deńgeıdegi asa kórnekti memleket qaıratkeri.

Ol - memlekettik ınstıtýttary berik, eko­nomıkalyq irgetasy myqty jáne bel­sendi ári ómirsheń qoǵamy bar zamanaýı Qa­zaqstannyń negizin qalaýshy ári jasampaz tulǵasy. Elimizdiń tórtkúl dúnıege tanylýy Nur­sultan Nazarbaevtyń esimimen tikeleı baı­lanysty. Bul - Tuńǵysh Prezıdenttiń sińir­gen zor eńbeginiń jemisi. Onyń alyp tulǵa­syna ýaqyt pen ómirdiń ózi joǵary baǵa berdi.

Biz Nazarbaevtyń dáýirimen maqtana alamyz. Bul kezeńde eń bastysy - memleket­tilik­ti, tilimiz ben tól mádenıetimizdi qaıta jań­­ǵyr­týǵa múmkindik aldyq. Sondaı-aq er­kin oı­laýǵa jáne jańarýǵa, únemi damý men jetilý úshin shabyt alýǵa, jańa ári odan da bıik shyńdardy baǵyndyrýǵa jol ashyldy», - dep túıdi avtor.