Mahmýd Sabyrhan ganalyq qarsylasyn qapy qaldyrdy

TAShKENT. QazAqparat - Ózbekstan astanasy Tashkent qalasynda ótip jatqan álem chempıonatynda Mahmýd Sabyrhan (54 keli) jartylaı fınalǵa joldama aldy, dep habarlaıdy QazAqparat tilshisi.

Keshki sessııada el quramasynan rıngke ekinshi bolyp Mahmýd Sabyrhan kóterildi. Ol ganalyq ganalyq Mohammedo Amadýmen qolǵap túıistirdi.

Birinshi raýndta tóreshiler Mahmýdtyń basymdyǵyna qoldaý bildirdi. Ekinshi raýndta ol jyldam áreketimen jeńiske jaqyndaı tústi.

Nátıjesinde qazaqstandyq boksshy qarsylasyn qapy qaldyryp, jartylaı fınalǵa joldama aldy.

Aıta ketsek, Mahmýd Sabyrhan 2021 jyly álem chempıonatynda kúmis júldeger atanǵan edi.

Endi A rınginde segizinshi jupta Dýlat Bekbaýov (67 keli) meksıkalyq Mıgel Anhel Martınespen sheberlik baıqasady.

Sondaı-aq, B rıngindegi on tórtinshi jubynda Qamshybek Qońqabaev (92 keli) ózbekstandyq Bahodır Djalolovpen saıysqa túsedi.

Eske salsaq, budan buryn keshki sessııada Sanjar Tashkenbaı bokstan álem chempıonatynyń jartylaı fınalyna ótken edi.

Sondaı-aq Dýlat Bekbaýov shırek fınalǵa ótti. Al Nurqanat Raıys pen Serik Temirjanov shırek fınalǵa shyǵa almady.

Qarsylasyn eki ret nokdaýnǵa jibergen ulttyq qurama kapıtany Aslanbek Shymbergenov pen Nurbek Oralbaı jartylaı fınalǵa ótti.

Aıta ketsek, jartylaı fınal 12 mamyr kúni ótkiziledi. Fınal 13 jáne 14 mamyr kúnderine belgilengen.