Mahmud Sabyrhan alǵash ret bokstan Azııa chempıonatynda top jardy
12:58, 11 Jeltoqsan 2024
<p>ASTANA. KAZINFORM – Taılandtyń Chıangmaı qalasynda bokstan Azııa chempıonatynda Mahmud Sabyrhan altyn júldege qol jetkizdi. </p>
Álem chempıony M.Sabyrhan 54 kelige deıingi salmaqta fınaldyq jekpe-jegin Ózbekstan ókili Shahzod Mýzaffarovpen ótkizdi.
Birinshi kezeńde Mahmud 4:1 esebimen basymdylyq tanytty. Ekinshi kezeńde qazaqstandyq boksshy shabýylyn údetkenimen, esep ózgergen joq. Qorytyndy esep – 4:1, Mahmudtyń paıdasynda.
Osylaısha, budan eki jyl buryn Azııa birinshiliginde kúmis alǵan Mahmud Sabyrhan bıyl ony altynǵa aýystyrdy.
Eske sala keteıik, budan buryn Azııa chempıonatynyń fınalynda 9 boksshynyń jeteýi ózbekstandyqtarmen altynǵa talasatynyn jazǵan edik.
Sondaı-aq Sanjar Táshkenbaı bokstan Azııa chempıonatynyń kúmis júldesin ıelendi.