Mahambet aýdanyndaǵy Jalǵansaı aýylynyń turǵyndaryn evakýatsııalaý bastaldy

<p>ATYRAÝ. KAZINFORM &ndash; Atyraý oblysynyń Mahambet aýdanyndaǵy Jalǵansaı aýylynda dabyl belgisi iske qosylyp, turǵyndardy túgel evakýatsııalaý bastaldy.</p>

Atyraý oblysynyń jedel shtabynan málim etkendeı, tún ortasynda Jalǵansaı aýylynda salynǵan bóget buzylǵan. 

«Dál qazir aýyldyq dárigerlik pýnktti sý basý qaýpi tónip tur. Jaǵdaıdy turaqtandyrý úshin qosymsha kúshter men resýrstar suraldy. Oblys ákimi tótenshe jaǵdaı ornyna bardy. Saǵat 01:20-da dabyl belgisi iske qosyldy. Aýyl turǵyndaryn aýyldaǵy mektep pen aýdan ortalyǵyndaǵy D.Tólenov, E.Aǵeleýov atyndaǵy orta mektepter men Nurshýaq, Altynaı balabaqshalaryna evakýatsııalaý bastaldy. Turǵyn úılerge qaýip tónip turǵan joq», - dep habarlady oblystyq jedel shtab. 

Qazir tótenshe jaǵdaıdy joıýǵa Qorǵanys mınıstrliginiń jeke quramynan 50 sarbaz ben 15 tehnıka tartylǵan. 

Jalǵansaı aýyly aýdan ortalyǵy – Mahambet aýylynan 15 shaqyrym qashqytyqta ornalasqan. Bul eldi mekende 1286 adam turady. Turǵyn úıler sany – 237.

Eske sala ketelik, buǵan deıin Atyraý oblysynyń Mahambet aýdanynda 66 egin alqaby tasqyn sý astynda qalǵanyn habarlaǵan edik.