Maǵzum Myrzaǵalıev ShYU ekojúıelik tsıfrlyq kartasyn ázirleýdi usyndy
Keńes barysynda ShYU elderiniń tabıǵat qorǵaý vedomstvolarynyń basshylary qorshaǵan ortany qorǵaý salasyndaǵy yntymaqtastyqtyń jaı-kúıi men damý perspektıvalary máselelerin talqylady.
Mınıstr óz baıandamasynda 2020 jyly ShYU sammıti barysynda aıtylǵan Memleket basshylarynyń tapsyrmalaryn oryndaý qajettigin atap ótip, osy maqsatta ShYU-ǵa múshe memleketterdiń ekologııalyq problemalarynyń reestrin ázirleýdi usyndy.
Sondaı-aq, M.Myrzaǵalıev Aral óńiriniń ekologııa problemasyn keshendi sheshý máselelerin qozǵap, ShYU elderinde klımattyń ózgerýi, erekshe qorǵalatyn tabıǵı aýmaqtardy damytý jáne bıoártúrlilikti saqtaý máseleleri boıynsha birlesken sheshimderdi izdeý qajettigin atap ótti. «Osyǵan baılanysty, mınıstr Aral teńiziniń qurǵaǵan tabanyn fıtomelıoratsııalaý jónindegi baǵdarlamany, ShYU-ǵa múshe memleketterdiń erekshe qorǵalatyn tabıǵı aýmaqtardy damytý salasyndaǵy yntymaqtastyq baǵdarlamasyn ázirleýdi, sondaı-aq sırek kezdesetin janýarlardy saqtaý maqsatynda «ShYU ekojúıelik tsıfrlyq kartasyn» ázirleýdi usyndy», delingen habarlamada.
Osymen birge, Qazaqstan tarapy qorshaǵan ortany qorǵaý salasyndaǵy jobalardy qarjylandyrý úshin BUU baǵdarlamalary jelisi boıynsha halyqaralyq donor kómegńn tartý qyzmetti jandandyrý boıynsha birqatar bastamany atap ótti. Sondaı-aq, ShYU sheńberinde tabıǵatty qorǵaý qyzmetiniń tıimdiligin arttyrý maqsatynda mınıstr ShYU-ǵa múshe memleketterdiń qorshaǵan ortany qorǵaý salasyndaǵy yntymaqtastyǵy týraly úkimetaralyq kelisimdi ázirleýdi usyndy.
Sonymen qatar, qazaqstandyq taraptyń bastamasy boıynsha keńes sheńberinde ShYU-ǵa múshe memleketterdiń qorshaǵan ortany qorǵaý máseleleri jónindegi birlesken jumys toby quryldy.
Kezdesý qorytyndysy boıynsha taraptar 2022-2024 jyldarǵa arnalǵan ShYU-ǵa múshe memleketterdiń qorshaǵan ortany qorǵaý salasyndaǵy yntymaqtastyq tujyrymdamasyn iske asyrý jónindegi is-sharalar josparyn maquldady jáne keńes hattamasyna qol qoıyldy.