Maǵzum Myrzaǵalıev «QazMunaıGaz» ǵımaraty kimge tıesili ekenin aıtty

NUR-SULTAN. QazAqparat – «QazMunaıGaz» kompanııasynyń basqarma tóraǵasy Maǵzum Myrzaǵalıev kásiporynnyń elordadaǵy ǵımaraty nege satylymnan alynǵanyn túsindirdi, dep habarlaıdy QazAqparat tilshisi.

«Siz aıtyp turǵan ǵımarat bizge tıesili. Sondyqtan shynymen de ony saýdaǵa shyǵarý jumysy júrgizilip, ol jerden kóship kettik. Qazir ol jerde Energetıka mınıstrligi otyr. Saýda-sattyqty nege alyp tastady desek, baǵalaýdyń qanshalyqty negizdiligine baılanysty másele týyndaǵan. Qazir baǵalaýshymen jumys istep jatyrmyz», - dedi kompanııa basshysy.

Aıtýynsha, baǵalaý júrgizgen kompanııanyń qujattary durys bolmaǵandyqtan jumys keshigip jatqan kórinedi.

«Shyn máninde baǵalaýshylar ǵımarat qunyn arzandatpaǵan. Óıtkeni 11,7 mlrd teńge degen baǵa astanamyzdyń naryǵyndaǵy shynaıy jaǵdaıǵa sáıkes keledi jáne aqylǵa qonymdy. Biraq baǵalaý júrgizgen mekemeniń quzyretine qatysty másele týyndady. Naqtyraq aıtsaq, sertıfıkattaý, akkredıtteý sıpatyndaǵy másele týyndady», - dedi kompanııa basshysy.