Maǵzum Myrzaǵalıev ekologııalyq mádenıet týraly aıtty
«Ekologııalyq mádenıet pen tárbıeleýdi qalyptastyrý máselesi biz úshin basym baǵyt. Byltyr mınıstrlik «Birge. Taza Qazaqstan», «Birge. Jasyl Qazaqstan» ekologııalyq aktsııalary boıynsha bastamany kótergen bolatyn. Osy sharalarǵa 560 myńnan astam adam qatysyp, 340 myń tonna qoqys jınalyp, 1 mln astam aǵash otyrǵyzyldy», - dedi Maǵzum Myrzaǵalıev OKQ ótken halyqqa esep berý kezdesýinde.
Sonymen qatar, mınıstr bıylǵy Volonterler jyly aıasynda «Birgemiz: Taza Alem» jalpy ulttyq jobasy sheńberinde qorshaǵan ortany qorǵaý, ózender men ormandardy tazalaý, aǵashtar otyrǵyzý jáne qoqystardy suryptaýǵa úıretý boıynsha is-sharalary júzege asyrylyp jatqanyn aıtty.
«Aqpan aıynda eko-belsendilerdiń alǵashqy respýblıkalyq sletin ótkizdik. Búkil el boıynsha ekologııalyq bastamalardy úılestirý jáne ilgeriletý úshin árbir óńirde eko-ambassadorlar anyqtaldy. Mysaly, Nur-Sultan qalasynan 10 synyp oqýshysy Arýjan Saharııanova óz qurdastary men eresekter arasynda Zero waste aǵymynyń ıdeıalaryn belsendi nasıhattaýda. Almaty qalasynan Saltanat Táshımova Jasyl komıssııa, aǵashty zańsyz kesý tobyn qurý bastamashysy jáne taǵy basqalardy aıtýǵa bolady», - dedi ol.
Maǵzum Myrzaǵalıev eger halyqtyń 5 paıyzy kúndelikti ómirde ekologııaǵa sanaly túrde qarasa, onda búkil halyqqa ekologııalyq mádenıet pen sanany sińirýge bolatynyn senim bildirdi.
«Men elimizdiń árbir turǵynyn úı qoqystaryn suryptaýdan bastap, elektr energııasy men sýdy únemdeýge, polıetılen paketterin paıdalanýdy azaıtýǵa jáne qorshaǵan ortany qorǵaýǵa úles qosýǵa shaqyramyn», - dep túıdi mınıstr.