Maǵzum Myrzaǵalıev Ekologııa mınıstrligindegi jemqorlyq faktilerin jaıyp saldy
Mınıstrlik úshin sybaılas jemqorlyqqa qarsy qyzmet baǵyty óte mańyzdy bolyp sanalady. Sybaılas jemqorlyqqa qarsy is-qımyl jónindegi mınıstrliktiń 2019-2020 jyldarǵa arnalǵan jospary qabyldandy. Oǵan memlekettik qyzmetterdi avtomattandyrý jáne jetildirý, memlekettik baqylaý júrgizý, azamattardyń ótinishterin sapaly qaraý is-sharalary engizildi. Ótken jyly «Adaldyq alańy» jobasynyń jarǵysy bekitilip, ony qurý týraly memorandýmǵa qol qoıyldy. Qarasha aıynda Ekologııalyq uıymdar qaýymdastyǵynyń alańynda «Adaldyq alańy» jobasy iske qosyldy. Jobany «Qazaqstanda ekologııalyq uıymdar qaýymdastyǵy» birlestiginiń basqarma tóraǵasy Aıgúl Soloveva basqardy«, - dedi mınıstr.
Maǵzum Myrzaǵalıevtiń aıtýynsha, sybaılas jemqorlyqqa qarsy is-qımyl boıynsha qabyldanyp jatqan sharalarǵa qaramastan mınıstrlik qurylǵan sátten bastap 12 qyzmetkerdiń qatysy bar 8 sybaılas jemqorlyq faktisi tirkelgen. Qazirgi ýaqytta qyzmettik ókilettigin asyra paıdalanǵany, brakonerlikke qatysqany, sondaı-aq para alǵany úshin qylmystyq jaýapkershilikke Orman sharýashylyǵy jáne janýarlar dúnıesi komıteti aýmaqtyq ınspektsııalary men vedomstvolyq baǵynysty uıymdarynyń 8 qyzmetkeri tartylady.
»Laýazymdyq ókilettikterin asyra paıdalanǵany úshin Ekologııalyq retteý jáne baqylaý komıteti aýmaqtyq departamentteriniń 2 qyzmetkeri, para alý jáne alaıaqtyq faktisi boıynsha Orman sharýashylyǵy jáne janýarlar dúnıesi komıteti «Ohotzooprom» mekemesi fılıalynyń 2 qyzmetkeri sottaldy. Bul faktiler baǵynyshty qyzmetkerler tarapynan sybaılas jemqorlyq quqyq buzýshylyqtardyń aldyn alý boıynsha komıtetter men aýmaqtyq organdar basshylarynyń júrgizgen jumysynyń jetkiliksizdigine baılanysty dep oılaımyn«, - dedi Maǵzum Myrzaǵalıev.