Maǵzum Myrzaǵalıev bekire balyǵyn ósirýge qatysty jospardy aıtty
«Іshki naryq tuşy sýda ósetin balyqtarymen 100 paıyz qamtamasyz etilgenin atap ótken jón. Al ımporttyń 95 paıyzyn teńiz jáne muhıt balyqtary quraıdy. Men budan buryn aıtyp ótkendeı, bekire jáne albyrt tuqymdas balyq túrlerin ósirý arqyly ımportty almastyrýǵa bolady», - dedi mınıstr Úkismet otyrysynda.
Onyń sózine qaraǵanda, ınvestıtsııalyq jobalardyń esebinen 2024 jyly naryqty bekire balyqtarymen qamtamasyz etý 10,2 paıyzdan 65 paıyzǵa, al albyrt balyqtary boıynsha 6 paıyzdan 86 paıyzǵa jetkizý eskerilgen.
«Kelesi on jyldyń ishinde qoldaǵy bar sý aıdyndardyń syıymdylyǵyn eskere otyryp, eksport kólemi arttyrylatyn bolady. Balyq ósirýdegi bar áleýetti qoldanýdy jeńildetý jáne tezdetý maqsatynda tıisti sharalardy júzege asyrýdamyz. Birinshiden, Ǵylymı-óndiristik ortalyqpen birlesip, balyq ósirý sharýashylyqtarynyń tıptik jobalaryn ázirledik. Bul bızneske qarjylyq múmkindikterin eskere otyryp, qolaıly sharýashylyq tıpin, ósiriletin balyq túrin tańdaýǵa múmkindik beredi», - dedi Myrzaǵalıev.
Sonymen qatar ol zańnamany jetildirý baǵytyna da toqtaldy.
«Salyq, Sý, Jer kodeksterine, sondaı-aq «Janýarlar dúnıesin qorǵaý, ósimin molaıtý jáne paıdalaný týraly», «Sáýlet, qala qurylysy jáne qurylys qyzmeti týraly» zańdaryna ózgerister ázirlep, tıisti zań jobalaryna engizdik. Qazir túzetýler Prezıdent Ákimshiligimen kelisilip jatyr», - dedi mınıstr.
Budan buryn habarlanǵandaı, Qazaqstan muhıt balyqtary men teńiz ónimderin ımporttaıdy. Import Norvegııa, Reseı, Islandııa, Qytaı jáne Baltyq elderine tıesili.