Maǵzum Myrzaǵalıev Oral qalasyndaǵy sport kesheniniń qurylysymen tanysty

<p>22 jeltoqsanda &laquo;QazMunaıGaz&raquo; UK AQ Basqarma tóraǵasy Maǵzum Myrzaǵalıev Batys Qazaqstan oblysyna jumys sapary kezinde Oral qalasynda salyp jatqan kópfýnktsıonaldy sport kesheni qurylysynyń jumystarymen <a href="https://t.me/kmgpress/2697" target="_blank" rel="noopener">tanysty</a>, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

Joba Memleket basshysy Qasym-Jomart Toqaevtyń bıyl 9 naýryzda Batys Qazaqstan oblysyna jumys sapary barysynda bergen tapsyrmasy aıasynda iske asyrylýda.

Foto: "QazMunaıGaz" UK" AQ

«Ak Su KMG» JShS (qurylysty júrgizetin kompanııa) Bas dırektory Órken Bısaqaev M.Myrzaǵalıevke jobany júzege asyrý barysy týraly baıandady.

Ó.Bısaqaevtyń aıtýynsha, jer qazý jáne beton quıý jumystary tolyq aıaqtaldy. Metall konstrýktsııalaryn montajdaý (11% oryndaldy), káriz jelilerin salý (30% oryndaldy), gıdrooqshaýlaý jumystary bastaldy. Qurylys kezinde keshenniń tıimdi, berik ári estetıkalyq dızaınyn qamtamasyz etý úshin ekologııalyq taza materıaldar men tehnıkalyq sheshimder paıdalanyldy. Jobany aıaqtaý merzimi – 2024 jyldyń jeltoqsan aıy.

Foto: "QazMunaıGaz" UK" AQ

Sport kesheninde sportshylardyń sadaq atý, shaǵyn fýtbol, basketbol, kúres, boks jáne basqa da sport túrlerimen jattyǵýyna barlyq múmkindik jasalady. Ǵımarat ishinde júgirýge arnalǵan 150 metrlik jolaǵy bar, ıadro ıterýge, bıiktikke, syryqpen, uzyndyqqa sekirýge, sadaq atýǵa arnaıy jabdyqtalǵan jeńil atletıka arenasy salynady.

Sonymen qatar sport kesheninde 25 metrlik birneshe jolaqty basseın salý, pnevmatıkalyq tır, jartasqa órmeleý alańyn, ústel tennısin, batýt, kúres jáne boks zaldaryn ashý josparda bar.

Foto: "QazMunaıGaz" UK" AQ

Qurylys alańyna barǵan M.Myrzaǵalıev «Ak Su KMG» JShS basshylyǵyna qurylystyń sapasyn qamtamasyz etip, jobany ýaqtyly aıaqtaýdy tapsyrdy.

Eske sala ketsek, 27 shildede QMG basshysy M.Myrzaǵalıev jáne Batys Qazaqstan oblysynyń ákimi N.Tóreǵalıev Oral qalasynda kópfýnktsıonaldy sport kesheniniń qurylysyn saltanatty túrde bastap bergen.