Maǵzum Myrzaǵalıev Atyraýdaǵy QMG kásiporyndarynda sý tasqynymen kúres jumysynyń barysymen tanysty

<p>ATYRAÝ. KAZINFORM &mdash; &laquo;QazMunaıGaz&raquo; UK AQ Basqarma tóraǵasy Atyraý qalasynda jumys saparymen bolyp, QMG-nyń óndiristik kásiporyndaryndaǵy jaǵdaımen jáne sý tasqynyna qarsy is-sharalardyń barysymen tanysty. Bul jaıynda kompanııanyń <a href="https://t.me/kmgpress/3406" target="_blank" rel="noopener">Telegram</a> paraqshasynan habarlandy.&nbsp;</p>

M. Myrzaǵalıev óńirdegi azamattyq qorǵaý qyzmeti ókilderiniń usynystaryna súıene otyryp, sý tasqynyna qarsy ınjenerlik jumysty júıeli atqaryp, odan ári kúsheıtýdi tapsyrdy.

Sonymen qatar qorǵanys bógetterin salý, topyraq tógý, qosymsha tehnıkany tartý, beıindi mamandarmen táýlik boıy baılanysta bolý jónindegi jumystardy jalǵastyrý qajettigine nazar aýdardy.

Ulttyq kompanııa basshysy Atyraý munaı óńdeý zaýytynda sýdan qorǵaný beketteri salynyp, fakel qondyrǵysy, sorǵy-kompressorlyq stantsııa jáne basqa da tehnologııalyq nysandar germetızatsııalanyp jatqan alańdardy aralap kórdi.

Atyraý munaı óńdeý zaýytynyń qyzmetkerleri kásiporyn aýmaǵynan basqa Tomarly (Teńdik) kentinde uzyndyǵy 2500 metr jáne býlaný alqaptarynyń shekarasynda 660 metrge sozylǵan qorǵanys bógetterin salyp jatyr.

Foto: QMG baspasóz qyzmeti

Jaıyq ózeninde sý jınaý qondyrǵysynda sý deńgeıi baqylanýda. 

Budan bólek, 250-den astam zaýyt jumysshylary men 30-ǵa jýyq arnaıy tehnıka qalanyń jáne qala mańyndaǵy aýdandarda (Geolog, Peretaska jáne Sokolok kanaldary) sý tasqynyna qarsy qorǵanys bógetterin turǵyzýǵa tartyldy.

QMG basshysy sondaı-aq Qarabatan alańyna baryp, «KPI Inc» JShS jáne Ulttyq ındýstrııalyq munaı-hımııa tehnoparki arnaıy ekonomıkalyq aımaq («UINT» AEA) aýmaǵynda júrgizilip jatqan sý tasqynyna qarsy is-sharalardyń barysyn baǵalady.

KPI zaýytynyń qyzmetkerleri ýaqytsha vahtalyq qalashyqta evakýatsııa jaǵdaıynda halyqqa arnap (1000 adam) turǵyn úı-jaılardy jabdyqtap jatyr.

Foto: QMG baspasóz qyzmeti

Sondaı-aq, kásiporyn aýmaǵyn sý tasqynynan qorǵaý úshin arnaıy sharalar qabyldandy. 

Odan bólek, kásiporyn qyzmetkerleri Balyqshy kentiniń mańynda uzyndyǵy 1500 shaqyrym jerde Oral jaǵasyn bekitý jumystaryna atsalysýda.

«Sý tasqynyna baılanysty kúrdeli jaǵdaıdy eńserý — bárimizge ortaq is. Enshiles kompanııalardyń basshylyǵyna sýdan óndiristik obektilerdi qorǵap qana qoımaı, halyqqa jáne jergilikti atqarýshy organdarǵa belsendi kómek kórsetý tapsyryldy. Kásiporyndarymyz sý tasqynyna baılanysty jaǵdaıdan qalaı ótetini bizdiń ýaqtyly ári jedel jasaǵan is-qımyldarymyzǵa baılanysty bolady», — dep atap ótti M.Myrzaǵalıev.

Foto: QMG baspasóz qyzmeti