Maǵjan Jumabaevtyń «Pedagogıka» oqýlyǵy túrik tilinde jaryq kórdi

YSTANBUL. QazAqparat - Ystanbul ýnıversıteti Túrik tili jáne ádebıeti kafedrasynyń oqytýshysy Dotsent Ýǵýr Gúrsý Maǵjan Jumabaevtyń «Pedagogıka» kitabyn túrik tilinde jarııalady, dep habarlaıdy QazAqparat.

«Qazaq tiline degen qyzyǵýshylyǵy stýdenttik jyldarda bastalǵan Ý. Gúrsý doktorantýra oqyp júrgende «Túrikshe jáne qazaqsha maqal-mátelderdiń salystyrmaly analızi» atty dıssertatsııasyn qorǵap shyqqan. Qazaq ádebıetiniń kórnekti ókili Maǵjan Jumabaevtyń «Pedagogıka» týyndysynyń túrikshege aýdarylmaǵanyn baıqap, aýdarma jumystaryna kirisedi. Osylaısha tolaǵaı eńbektiń jemisi - Maǵjan Jumabaevtyń «Pedagogıka» atty oqý quraly jýyrda túrik oqyrmandaryna usynyldy» dep málim etti Qazaqstannyń Túrkııadaǵy elshiligi Facebook paraqshasynda.

Oqý quraly pedagogıkanyń jalpy máselelerine arnalǵan. Sondaı-aq, kitapta psıhologııa jáne logıka salalary týraly da aqparat berilgen.

Týyndyda pedagogıka ilimi qazaq mádenıeti men dástúrlerine sáıkes jazylǵan.