Magomed Adıev Reseıdiń «Ahmat» komandasynyń bas bapkeri qyzmetine taǵaıyndaldy
Bul jóninde Qazaqstan fýtbol federatsııasy málim etti.
Magomed Adıev 2022 jyldan beri Qazaqstan quramasynyń bas bapkeri qyzmetin atqaryp keledi. Sodan beri 22 oıynnyń 11-de jeńiske jetip, 1-de teń oınasa, qalǵanynda qarsylastarǵa ese jiberdi.
Eki jyldan beri elimizdiń ulttyq quramasy kóptegen halyqaralyq jarystarda joǵary nátıjesimen kózge túsip keledi.
2022/2023 jyldarda Ulttar lıgasynda S dıvızıonynda óz tobynda birinshi oryn alyp, bıyl V dıvızıonynda synǵa túsýge múmkindik aldy.
Endi qyrkúıek-qarasha aılarynda V dıvızıonynda úshinshi opta Avstrııa, Slovenııa jáne Norvegııamen sheberlik baıqasady.
Sondaı-aq, 2024 jylǵy Eýropa chempıonaty irikteý satysynda el quramasy 18 upaı jınap, óz tobynda úshinshi oryn aldy. Bul - qurama tarıhyndaǵy úzdik kórsetkish.
Magomed Adıev 1994-2009 jyldar aralyǵynda reseılik jáne qazaqstandyq klýbtardyń namysyn qorǵady. 2010 jyldan beri bapkerlikke bet buryp, reeılik jáne elimizdiń «Shahter» klýbynda jetekshilik etti.