Magomed Adıev Qazaqstan fýtbol quramasy bas bapkeri qyzmetinen ketti

<p>ASTANA. KAZINFORM &mdash; Fýtboldan Qazaqstan ulttyq quramasynyń bas bapkeri Magomed Adıev qyzmetinen ketti. Bul jóninde Qazaqstan fýtbol federatsııasy málim etti.&nbsp;</p>

Qazaqstan fýtbol federatsııasynyń prezıdenti Ádilet Barmenqulov Fýtbol úıinde Qazaqstan ulttyq quramasynyń jattyqtyrýshylar shtabymen kezdesý ótkizdi.

«Bas bapker Magomed Adıev mundaı sheshimdi otbasylyq jaǵdaıyna baılanysty qabyldaǵanyn alǵa tartyp, qyzmetinen ketti. QFF mundaı baǵytqa da daıyn boldy jáne kelesi aptanyń basynda jańa bapkerdi tańdaıdy», — dep atap ótti federatsııadan.

Foto: kff.kz

Qazaqstandyq fýtbolshylar endi 7 mamyrda Armenııa, 10 maýsymda Ázrbaıjan quramalarymen joldastyq kezdesý ótkizedi.

Magomed Adıev 2022 jyldyń 27 sáýirinen Qazaqstan quramasynyń bas bapkeri qyzmetin atqaryp keldi.

Sodan beri 22 oıynnyń 11-de jeńiske jetip, 1-de teń oınasa, qalǵanynda qarsylastarǵa ese jiberdi.

Eki jyldan beri elimizdiń ulttyq quramasy kóptegen halyqaralyq jarysta joǵary nátıjesimen kózge túsip keledi.

2022/2023 jyldarda Ulttar lıgasynda S dıvızıonynda óz tobynda birinshi oryn alyp, bıyl V dıvızıonynda synǵa túsýge múmkindik aldy.

Endi qyrkúıek-qarasha aılarynda V dıvızıonynda úshinshi topta Avstrııa, Slovenııa jáne Norvegııamen sheberlik baıqasady.

Sondaı-aq, 2024 jylǵy Eýropa chempıonaty irikteý satysynda el quramasy 18 upaı jınap, óz tobynda úshinshi oryn aldy.

Bul — qurama tarıhyndaǵy úzdik kórsetkish.