Magıstratýranyń grantyna qujat qabyldaý bastalady
Esterińizge sala keteıik, buǵan deıin Bilim jáne ǵylym mınıstrligi endi úmitkerler jylyna eki ret magıstratýra men doktorantýraǵa qujat tapsyra alady degen sheshim qabyldaǵan bolatyn.
«Osylaısha, qandaı da bir sebepterge baılanysty alǵashqy qabyldaý naýqanynda ótinish berýge múmkindigi bolmaǵan qazaqstandyqtar keshendi testileý tapsyrýǵa jáne magıstratýraǵa túsýge taǵy bir múmkindik aldy. Testti sátti tapsyrǵan úmitkerler jazǵy qabyldaý nátıjeleri boıynsha taǵaıyndalmaǵan granttardy jeńip ala alady. Esterińizge sala keteıin, magıstratýrada oqýǵa arnalǵan bilim berý granttary keshendi testileý nátıjelerine sáıkes konkýrstyq negizde beriledi», – dep atap ótti QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.
Memlekettik bilim berý tapsyrysy boıynsha jáne aqyly negizde ǵylymı-pedagogıkalyq magıstratýraǵa túsý úshin shekti ball – 75, beıindi magıstratýraǵa túsý úshin 50 baldy quraıdy.
Qujattardy tapsyrý kezinde oqýǵa túsýshiler bilim berý baǵdarlamalarynyń bir tobyn jáne úsh joǵary oqý ornyn kórsetedi. Magıstratýraǵa bilim berý grantyn taǵaıyndaý konkýrsy bıyl 15-22 jeltoqsan aralyǵynda, oqýǵa qabyldaý 2021 jylǵy 26 jeltoqsan men 2022 jylǵy 10 qańtar aralyǵynda ótedi.
Esterińizge sala keteıik, magıstratýraǵa túsýshiler úsh myńnan astam memlekettik bilim grantyna úmitker bola alady. Granttardyń basym bóligi «Hımııa» (172 grant), «Veterınarııa» (169), «Mehanıka jáne metall óńdeý» (156), «Metallýrgııalyq ınjenerııa» (137), «Qurylys materıaldaryn, buıymdary men konstrýktsııalaryn óndirý» (132), «Materıaltaný jáne jańa materıaldar tehnologııasy» (130) jáne basqa mamandyqtar boıynsha bólindi.
Bilim berý baǵdarlamalarynyń toptary bólinisinde bilim berý granttarynyń sany týraly tolyq aqparat Ulttyq testileý ortalyǵynyń saıtynda ornalastyrylǵan
Magıstratýraǵa grant ıegerleriniń tizimi Ulttyq testileý ortalyǵynyń saıtynda, sondaı-aq QR Bilim jáne ǵylym mınıstrliginiń áleýmettik jelilerde jarııalanady.