Magıstratýraǵa túsýge arnalǵan keshendi testileý bastaldy

<p>Búgin magıstratýraǵa túsýge arnalǵan keshendi testileý bastaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> QR Ǵylym jáne joǵary bilim mınıstrliginiń baspasóz qyzmetine silteme jasap.&nbsp;</p>

Esterińizge sala ketsek, keshendi testileýdi tapsyrýǵa ótinish qabyldaý QR ǴJBM Ulttyq testileý ortalyǵynyń saıtynda app.testcenter.kz júzege asyryldy. 

Magıstratýraǵa túsýge arnalǵan keshendi testileýge 8 myńnan astam ótinish qabyldandy. Eń kóp tańdalǵan bilim berý baǵyttary qatarynda «Pedagogıkalyq ǵylymdar», «Injenerlik, óńdeý jáne qurylys salalary» jáne «Jaratylystaný ǵylymdary, matematıka jáne statıstıka» bar. 

Búgin bastalǵan emtıhan 8 jeltoqsanǵa deıin jalǵasady. 

Shekti baldar ózgerissiz qaldy: ǵylymı-pedagogıkalyq magıstratýraǵa túsý úshin 75 ball, beıindik magıstratýraǵa túsý úshin 50 ball jınaý qajet. Keshendi testileý nátıjelerimen kelispegen jaǵdaıda oqýǵa túsýshiler testileý aıaqtalǵannan keıin 30 mınýt ishinde onlaın-apellıatsııa bere alady. 

Magıstratýraǵa túsýshiler 3,8 myń memlekettik bilim grantyna úmitker bola alady. Onyń ishinde «Injenerlik, óńdeý jáne qurylys salalary» bilim berý baǵdarlamasyna 1 758 grant, Jaratylystaný ǵylymdary, matematıka jáne statıstıkaǵa» 569 grant, «Pedagogıkalyq ǵylymdarǵa» 469 grant bólingen.