Magıstratýraǵa túsetin kezde GRE jáne GMAT halyqaralyq sertıfıkatyn qalaı qoldana alamyz

ASTANA. QazAqparat - Ulttyq testileý ortalyǵy GRE jáne GMAT halyqaralyq sertıfıkat baldaryn KT baldaryna aýystyrý shkalasyn jarııalady, dep habarlaıdy QazAqparat.

GRE standarttalǵan testin tapsyrý týraly halyqaralyq sertıfıkaty bolǵan kezde:

- «pedagogıkalyq ǵylymdar»,

- «jaratylystaný ǵylymdary, matematıka jáne statıstıka»,

- «aqparattyq-kommýnıkatsııalyq tehnologııalar»,

- «ınjenerlik, óńdeý jáne qurylys salasy»,

- «gýmanıtarlyq ǵylymdar»,

- «áleýmettik ǵylymdar»,

- «bıznes jáne basqarý» boıynsha magıstratýraǵa túsetinder oqytý qazaq nemes orys tilinde júrgiziletin ǵylymı-pedagogıkalyq magıstratýrýǵa KT oqýǵa daıyndyǵyn aıqyndaýǵa arnalǵan testen jáne shet tili bólimine, oqytý qazaq, orys jáne aǵylshyn tilderinde júrgiziletin beıindi magıstratýrýǵa KT oqýǵa daıyndyǵyn aıqyndaýǵa arnalǵan testen óz qalaýymen bosatylady.

KT-ǵa tirkelý kezinde GRE sertıfıkatynyń málimetterin engizip, júkteý qajet.

Konvertatsııa grant konkýrsyna qatysý nemese aqyly negizde oqý úshin ótinish berilgennen keıin júzege asady.

GMAT standarttalǵan testin tapsyrý týraly halyqaralyq sertıfıkaty bolǵan kezde «Bıznes jáne basqarý» boıynsha magıstratýraǵa túsýshiler KT tapsyrýdan óz qalaýymen bosatylady.

GMAT ıegerleri sertıfıkatty grant konkýrsyna qatysý nemese aqyly negizde oqý úshin joo-nyń qabyldaý komıssııasyna tapsyrý kerek.