Magıstratýra emtıhany onlaın kórsetilim arqyly baqylanady
Magıstratýraǵa úmitkerlerdi qabyldaý emtıhanyn uıymdastyrý tártibin Ulttyq testileý ortalyǵy dırektorynyń mindetin atqarýshy Dıdar Smaǵulov aıtyp berdi.
«Bıyl magıstratýra emtıhandaryn birinshi ret keshendi testileý formatynda ótkizgeli otyrmyz. 13 myń grant bolsa, oǵan úmitkerler sany 30 myńnan asady. ıAǵnı, báseke bar degen sóz. Báseke bolǵan soń, ár túrli kisiler ár túrli joldyn tabýǵa tyrysady. Bizdiń maqsatymyz – emtıhandy ashyq ári ádil ótkizý. Bakalavr grantyn UBT boıynsha úlestirip kelemiz. Sol tájirıbeni munda da paıdalanatyn bolamyz. Ásirese, onlaın-júıe arqyly testi baqylaý óziniń tıimdiligin kórsetti. Adamnyń qatysýynsyz, avtomatty túrde grant úlestirýdiń arqasynda ata-analardan túsetin shaǵymdardyń sany da azaıdy deýge bolady. Onlaın-testileýdiń arqasynda barlyq jerde búkil úmitkerge birdeı shart pen jaǵdaı jasalady», - deıdi ortalyq basshysy.
Onyń sózine qaraǵanda, magıstratýra granttary bes kúndik testileý nátıjesinde úlestiriletin bolady. Al onyń ádil ótýi úshin barlyq tehnologııalyq múmkindikter qoldanylmaq.
«Magıstratýra emtıhandary 10-16 tamyzda 27 keshendi tetileý pýnktinde ótedi. Birinshi kúnnen bastap adal ótkizý standarttaryn engizý qajet bolady. Bul adaldyq mejesi sońǵy kúnge deıin túspeýi kerek. Osy úshin testileý pýnkterine 300-den astam uıaly baılanysty shektegish apparat, 128 metal izdegish, 298 kamera qoıylady. Barlyq aýdıtorııadan onlaın kórsetilim bolady. Baqylaý komıssııasyna engen monıtorıng tobynyń ókilderi arnaıy bólmede sol kórsetilim arqyly jaǵdaıdy baqylaıdy. Arnaıy monıtorıng topyna kirgen jergilikti ókilder óz ortasynda óte bedeldi tulǵalar. Bul da óziniń oń áserin beredi dep olaımyz.Zańsyzdyq baıqasa birden aralasatyn bolady. Eń bastysy baıqaǵan zańsyzdyqty birden tirkep, dálel usyný qajet bolady. Testileý keshenderinde tynyshtyqty qamtamasyz etý úshin aýdıtorııada jekelegen adamdar ǵana júredi. Erteń komıssııa ókilderi óńirlerge attanady. 13 myń granttyń artynda memlekettiń qomaqty aqshasy tur. Sondyqtan bul sharany asqan jaýapkershilikpen ótkizýimiz qajet», - dedi ol.