Magıstratýra boıynsha memlekettik grant ıegerleriniń esimderi belgili boldy

<p>ASTANA. KAZINFORM &ndash; Magıstratýra boıynsha bilim granttary ıegerleriniń tizimi jarııalandy. Memlekettik granttar Respýblıkalyq komıssııa otyrysynyń qorytyndysy boıynsha taǵaıyndaldy.</p>

Komıssııa quramynda mınıstrliktiń, múddeli memlekettik organdardyń, bilim salasy kásipodaqtarynyń, QR Ulttyq kásipkerler palatasy jáne qoǵamdyq uıym ókilderi boldy.

«Bilim berý granttary keshendi testileý (KT) nátıjeleri boıynsha konkýrstyq negizde taǵaıyndaldy.

Magıstratýra boıynsha bilim berý granttaryn taǵaıyndaý konkýrsyna ǵylymı-pedagogıkalyq baǵytta 75 baldan, beıindik baǵytta 30 baldan joǵary jınaǵan oqýǵa túsýshiler qatysty. Jalpy konkýrsqa 15 196 adam qatysty», — dep jazdy Ǵylym jáne joǵary bilim mınıstrliginen.

Bolashaq magıstranttardyń JJOKBU-na qabyldaý 2024 jylǵy 28 tamyzǵa deıin (qosa alǵanda) júrgiziledi.

Memlekettik bilim granty ıegerleriniń tizimimen QR ǴJBM jáne Ulttyq testileý ortalyǵynyń Telegram arnalarynda tanysýǵa bolady.