Magdebýrgtegi terakt. Toqaev Germanııa Prezıdentine kóńil aıtty

<p>ASTANA. KAZINFORM — Memleket basshysy Germanııa Prezıdenti Frank-Valter Shtaınmaıerge kóńil aıtý jedelhatyn jiberdi. Bul týraly Aqordanyń baspasóz qyzmeti málim etti.</p>

Qasym-Jomart Toqaev Magdebýrg qalasyndaǵy jármeńkede oryn alǵan jantúrshigerlik oqıǵa saldarynan birneshe adamnyń qaza tabýyna baılanysty Germanııa Federatıvtik Respýblıkasynyń Federaldyq Prezıdenti Frank-Valter Shtaınmaıerge kóńil aıtty.

— Dostas german halqynyń aýyr qaıǵysyna ortaqtasyp, elimizdiń jáne óz atymnan marqumdardyń týǵan-týystaryna kóńil aıtamyn. Sondaı-aq zardap shekkenderdiń tezirek saýyǵyp ketýine tilektestik bildiremin, — dep jazylǵan jedelhatta. 

Eske salsaq, juma kúni keshke qara tústi BMW júrgizýshisi kólikti Magdebýrgtegi (Saksonııa-Anhalt federaldy shtaty) Rojdestvolyq bazarǵa ádeıi baǵyttap, birneshe adamdy qaqty.

Keıinnen kólik júrgizýshisiniń 1974 jyly týǵan Saýd Arabııasynyń týmasy ekeni anyqtaldy.

Bul oqıǵadan keıin Saýd Arabııasy Magdebýrg bazaryndaǵy lańkestik áreketti aıyptaıtynyn aıtty.