Maǵan saılaýdaǵy qazaq áıelderiniń belsendiligi erekshe áser etti - Andreas ıAn

ASTANA. QazAqparat - Maǵan saılaýdaǵy qazaq áıelderiniń belsendiligi erekshe áser etti. Búgin 20 naýryzda ótken Parlament Májilisi men máslıhat depýtattarynyń saılaýyna oraı pikirin bildirgen halyqaralyq baıqaýshy, Germanııa Parlamenti Halyqaralyq ister komıtetiniń parlamenttik hatshysy Andreas ıAn osylaı málim etti.

«Men Qazaqstanda alǵash ret bolyp otyrmyn. Bizge saılaý barysyn baıqaý asa qyzyqty. Astanadaǵy tórt keńse men birqatar saılaý ýchaskelerin araladyq. Meniń oıymsha, saılaý asa belsendilik jaǵdaıynda ótti. Daýys berýge kelgen azamattar kóp boldy. Biz saılaý sońyna taman daýystardy sanaýǵa da qatystyq», - dedi germanııalyq depýtat.

«Meniń áserim: saılaý ádil ári transparentti ótti. Sosyn áıelder óte belsendi, men buǵan tańdanysymdy jasyrmaımyn», - dedi ol.

Germanııalyq baıqaýshynyń aıtýynsha, ol negizinen Astana qalasyndaǵy saılaý ýchaskelerin aralaǵan.

«Men Albanııada, Ózbekstandaǵy, Togodaǵy saılaýlarǵa qatystym, baıqaýshy retinde. Endi Qazaqstanǵa da kelip otyrmyn. Ár eldiń óz erekshelikteri bar, saılaý protsesinde. Endi Astanadan tysqary, basqa óńirler týraly eshteńe aıta almaımyn. Degenmen, azamattar saılaýǵa qulshynysty boldy, ekonomıkalyq qıyndyqtarǵa qaramastan qazaqstandyqtar ózderiniń pikirin bildirip jatty. Árıne, Germanııadaǵy saılaýda da óziniń qıyndyqtary barshylyq. Shyndyǵynda, maǵan qazaq áıelderiniń belsendiligin baıqaý jaqsy áser etti. Áıelder týraly da túrli jaǵymdy pikirler estidim», - dedi A. ıAn.