Maǵan Olımpıada júldesin jeńip alǵan Beıjiń qalasy árdaıym ystyq - Qanat Islam

<p>BEIJІŃ. KAZINFORM &ndash; Qytaıdaǵy Qazaqstannyń týrızm jylynyń resmı ashylý saltanatyna óner juldyzdarymen qatar, sportta bıik belesterdi baǵyndyryp júrgen sańlaqtarymyz da arnaıy keldi.</p>

Olardyń qatarynda belgili jekpe-jek sheberi Shavkat Rahmonov pen boksshy Qanat Islam da bar. Osy oraıda, Qanat Islam Kazinform tilshisine shaǵyn suhbat berip, ózi Olımpıada júldegeri atanǵan Beıjiń qalasynda atalyp ótkeli jatqan Qytaıdaǵy Qazaqstan týrızmi jylynyń mańyzyna toqtalyp ótti.

«Bul eki eldiń arasyndaǵy úlken joba dep esepteımin. Osydan-aq, eki eldiń prezıdentteri qanshalyqty jaqyn, tatý-dos ekenin baıqaýǵa bolady. Biz Qytaımen tarıhı kórshiles jatqan elmiz. Men qazaq uly retinde, Qazaqstan azamaty retinde eki eldiń bereke-birliginine zor qurmetpen qaraımyn. Óz basym Qytaıda týyp, atajurtym Qazaqstanǵa oralyp, sonda turyp jatqanymdy maqtan tutamyn», - dedi boksshy.

Sondaı-aq, ol eki elden de eshqandaı tarshylyq kórmegenin jetkizdi.

«Bar balalyǵym ótken Qytaı elinen de, qazirgi qonys tepken atajurtymnan da eshqandaı tarshylyq, jamandyq kórgen emespin. Qazir de Qytaıda týysqandarym turyp jatyr. Ózimniń de bar balalyǵym osynda ótti. Mine, osydan týra 16 jyl buryn Beıjiń qalasynda Olımpıada oıyndarynyń júldegeri atandym. Sondyqtan Beıjiń qalasy maǵan árdaıym ystyq», - dep atap ótti boksshy.

Aıta keteıik, aldaǵy 28-29 naýryz kúnderi Beıjińde Qytaıdaǵy Qazaqstan týrızmi jylynyń resmı ashylý saltanaty ótedi. Osyǵan oraı, Qazaqstannan Beıjińge 600-ge jýyq arnaıy delegatsııa ushyp keldi.