MAEK-tegi apat bolashaq AES-te qaıtalanbaı ma – Energetıka mınıstriniń jaýaby

ASTANA. QazAqparat – Energetıka mınıstri Almasadam Sátqalıev Mańǵystaý atom energetıka kombınatyndaǵy apat bolashaqta salyný múmkin AES-te qaıtalanbaıdy dep esepteıtinin aıtty, dep habarlaıdy QazAqparat tilshisi.

«Jylý-elektr ortalyǵynda bolǵan jaıttyń tabıǵatyn túsiný kerek qoı. Bul jaıttyń tabıǵatynda qarjylandyrýdyń júıeli túrde jetkiliksiz júrgizilgeni jatyr. Sonyń saldarynan negizgi qondyrǵy keıbir energetıka nysandarynda 100 paıyz tozǵan. ıAǵnı, apattyń sebebi – nysandardyń tehnıkalyq ahýaly. Oǵan qosa mamandardyń tapshylyǵy bar. Maman tapshy bolatyny aılyqtyń tómen bolýymen baılanysty. Atalǵan nysandardy aýqymdy kólemde jańǵyrtý kerek ekeni túsinikti», - dedi búgin Úkimet otyrysynan keıingi tilshiler suraǵyna jaýap bergen mınıstr.

Vedomstvo basshysy kez kelgen Atom elektr stantsııalarynyń jumysy halyqaralyq talaptar boıynsha baqylanatynyn atady.

«AES-terdi qoldanýdyń talaptary, onyń ishinde halyqaralyq talaptar da bar. Ol talaptar tolyq kólemde saqtalady dep oılaımyn», - dedi Almasadam Sátqalıev.