MAEK-tegi jóndeý jumystary qashan aıaqtalady

<p>ASTANA. KAZINFORM &ndash; Mańǵystaý oblysynyń ákimi Nurlan Noǵaev Mańǵystaý atom energetıkalyq kombınatyndaǵy jóndeý jumystary qashan aıaqtalatyndyǵyn aıtty.&nbsp;</p>

Búgin Úkimet otyrysynda Premer-Mınıstr Álıhan Smaıylov óńir basshysynan: «MAEK jumysyn qalpyna keltirý úshin Úkimet rezervinen 2,4 mlrd teńge bólindi. Jóndeý jumystary qashan tolyǵymen aıaqtalady?», - dep suraǵan edi.

Oblys ákiminiń aıtýynsha, Úkimet rezervinen bólingen qarajattyń qazirgi tańda 700 mln teńgesi ıgerilmegen.

«Oǵan sebep - MAEK mekemesine qajetti qural-jabdyqtardyń, qondyrǵylardyń uzaq ýaqyt daıyndalýy jáne jetkizilýi. 1 qańtarǵa ıgerilmegen 700 mln teńgeniń 400 mln teńgesine qural-jabdyqtar mekemege jetkizildi. Qalǵan 300 mln teńgege alynatyn jabdyqtar 2-toqsanda jetkizilip, MAEK-tiń turaqty jumys isteýine úlken septigin tıgizedi. 2023 jyly MAEK-ke baılanysty kestedegi is-sharalardy oryndadyq. Oǵan rezervten bólingen qarajattyń da yqpaly boldy. Jylý elektr stantsııasyndaǵy 2-energobloktyń jóndeý jumystary osy jyldyń 1-toqsanynda aıaqtalady dep josparlap otyrmyz. Bólingen qarajattyń tıimdi jáne ýaqytyly ıgerilýi oblys ákimdiginiń turaqty baqylaýynda», - dedi Nurlan Noǵaev.