Madrıd masters týrnıri: Býblık pen Shevchenko kimdermen oınaıdy

<p>MADRID. KAZINFORM &mdash; 24 sáýir &ndash; 5 mamyr aralyǵynda Madrıdte ótetin masters týrnırinde qazaqstandyqtar Aleksandr Býblık pen Aleksandr Shevchenkonyń qarsylastary anyqtaldy.</p>

Qazaqstannyń birinshi, álemniń 18-raketkasy Aleksandr Býblıktiń reıtıngisi joǵary bolǵandyqtan, jarysty ekinshi aınalymnan bastaıdy. 

A.Býblık álemniń 54-raketkasy, germanııalyq Domınık Kepfer nemese reıtıngide 68-oryndaǵy ıspanııalyq Roberto Karbales-Baenanyń qaı jeńgenimen kortqa shyǵady.

Qazaqstannyń ekinshi, álemniń 59-raketkasy Aleksandr Shevchenko alǵashqy aınalymda reıtıngide 77-satydaǵy frantsııalyq Artýr Rınderkneshpen ózara myqtyny anyqtaıdy.

Eger odan ótken jaǵdaıda álemniń 3-raketkasy, Madrıd masters týrnıriniń ótken jylǵy chempıony, ıspanııalyq Karlos Alkaraspen synǵa túsedi. 

Ótken jyly A.Býblık Madrıdte ekinshi aınalymnan asa almasa, A.Shevchenko tipti qatyspaǵan eken. 

Eske sala keteıik, budan buryn Madrıdke kelgen Elena Rybakına ózine senetinin aıtqan bolatyn.