Madrıd konferentsııasy Sırııa boıynsha Astana protsesiniń nátıjelerin joǵary baǵalady - SІM

ASTANA. QazAqparat - QR Syrtqy ister mınıstriniń orynbasary Aqylbek Kamaldınov Madrıd qalasynda Taıaý Shyǵystaǵy etnıkalyq jáne dinı zombylyq jónindegi konferentsııaǵa qatysty. Bul halyqaralyq kezdesý 2015 jyly Parıjde ótken konferentsııanyń jalǵasy bolyp tabylady, dep habarlaıdy QazAqparat.

«Konferentsııa barysynda halyqaralyq gýmanıtarlyq daǵdarysqa alyp kelgen sırııalyq janjal basty taqyryp boldy. Bul rette  qazaqstandyq syrtqy saıasat vedomstvosy basshysynyń orynbasary óz sózinde elimizdiń halyqaralyq qaýymdastyqtyń qoldanyp jatqan sharalaryn, sondaı-aq dıalog pen bitimge kelý joly arqyly qantógisti jedel toqtatýdy qoldaıtynyn atap ótti. Qazaqstan sonymen qatar, Sırııanyń saıası bolashaǵyn aıqyndaýǵa baǵyttalǵan sırııalyq bılik pen oppozıtsııanyń áreketterin de qoldaıdy», - delingen baspasóz baıanynda.

 

Óz kezeginde, konferentsııaǵa qatysýshylar Sırııa boıynsha Astana protsesiniń nátıjelerin joǵary baǵalap, Qazaqstan qabyldap jatqan barlyq sharalarǵa óz qoldaýlaryn bildirdi.

 

Taıaý Shyǵystaǵy etnosaralyq jáne dinaralyq janjaldardy talqylaý barysynda qazaqstandyq dıplomat elimizdiń táýelsizdiginiń alǵashqy kúninen bastap beıbit damýdy tańdaǵanyn aıtty. Bul rette mınıstr orynbasary qoldanystaǵy azamattyq qoǵamnyń erekshe ınstıtýty - joǵary deńgeıdegi mádenıaralyq suhbattyń jańa kezeńine bastaý salǵan Qazaqstan halqy Assambleıasynyń qyzmeti týraly da habarlady.