«MadMEN» mýzykalyq toby múshelerine qatysty sot aıaqtalýǵa jaqyn

NUR-SULTAN. QazAqparat – Otandyq «MadMEN» mýzykalyq toby múshelerine qatysty qylmystyq is aıaqtalý satysynda. Bul týraly QR Іshki ister mınıstrliginiń Esirtki qylmysyna qarsy is-qımyl departamentiniń basshysy, polıtsııa polkovnıgi Erlan Omarbekov málim etti, dep habarlaıdy QazAqparat tilshisi.

«Búginde «MadMEN» mýzykalyq tobynyń dırektory R.I.Hvannyń jetekshiligimen 8 qatysýshydan turatyn qylmystyq top qurý arqyly sıntetıkalyq esirtkini taratýǵa qatysty atyshýly fakti boıynsha qylmystyq is aıaqtalý satysynda. Bıyl qańtar-sáýir aılarynda júrgizilgen jumystyń nátıjesinde aıyptylardan 1,3 keliden astam «mefedron» sıntetıkalyq esirtki tárkilendi», - dedi Erlan Omarbekov.

Eske sala ketsek, bıyl atalǵan mýzykalyq tobynyń múshelerine uıymdasqan qylmystyq top qurý jáne oǵan qatysý aıyptary taǵyldy.

Qylmystyq topty quryqtaǵan Almaty polıtsııasy onyń quramynda 21 jastan 30 jasqa deıingi 10 adamnyń baryn aıtqan edi.