Mádı Takıev Qazaqstan voleıbol federatsııasyna basshy bolyp taǵaıyndaldy

<p>ASTANA. KAZINFORM &ndash; Almatyda ótken Qazaqstan voleıbol federatsııasynyń (QVF) esep berý-saılaý konferentsııasynda Mádı Tákıev uıymnyń 2024-2028 jyldar aralyǵynda jańa prezıdenti bolyp saılandy. Ol bul qyzmette Nurtaı Ábiqaevty almastyrdy.&nbsp;</p>

QVF-nyń jańa basshysy óz sózinde delegattarǵa senimderi úshin shyn júrekten alǵys aıtyp, Nurtaı Ábiqaevqa federatsııanyń qurmetti prezıdenti retinde QVF Qamqorshylyq keńesin basqarýǵa shaqyrdy.

Mádı Takıev 1978 jyly 1 sáýirde Almaty oblysynda dúnıege kelgen.

Qazaq memlekettik basqarý akademııasyn «býhgalterlik esep jáne aýdıt» mamandyǵy boıynsha, D.Qonaev atyndaǵy gýmanıtarlyq ýnıversıtetin «quqyqtaný» mamandyǵy boıynsha, sondaı-aq Halyqaralyq bıznes ýnıversıtetin «iskerlik ákimshildendirý magıstri» mamandyǵy boıynsha támamdaǵan.

Eńbek joly:

1998-2012 jj. – Almaty qalasy boıynsha salyq departamentinde jumys istegen.

2012-2013 jj. – Qazaqstan Respýblıkasy qarjy mınıstrliginiń salyq komıteti basqarmasynyń bastyǵy.

2013-2014 j. – Ulttyq ekonomıka mınıstrliginiń salyq jáne keden saıasaty departamentiniń dırektory.

2014 j. – Qazaqstan Premer-mınıstri keńsesiniń áleýmettik-ekonomıkalyq bóliminiń bas keńesshisi.

2014-2017 jj. – Atyraý oblysy boıynsha memlekettik kirister departamentiniń basshysy.

2017-2019 jj. – Qazaqstan Respýblıkasy qarjy mınıstrligi memlekettik kirister komıtetiniń salyqtyq baqylaý departamentiniń dırektory.

2019 jyldyń 12 naýryzynan – Qazaqstan Respýblıkasy ulttyq ekonomıka vıtse-mınıstri qyzmetinde boldy.

2020 jyly qyrkúıekte Prezıdent Ákimshiliginiń Áleýmettik-ekonomıkalyq monıtorıng bóliminiń meńgerýshisi bolyp taǵaıyndaldy.

Memlekettik nagradalary: «Eren eńbegi úshin», «Táýelsizdikke 20 jyl» medaldary jáne «Salyq qyzmetiniń úzdigi».