Mádı Ahmetov: Prezıdent joldaýynda qoǵamdaǵy ózekti máselelerdiń bári qamtyldy
Onyń aıtýynsha, Memleket basshysynyń bıylǵy Joldaýy, burynǵy barlyq joldaýlar sııaqty, óte mazmundy boldy.
«Joldaýda Qazaqstan halqyn tolǵandyratyn máseleler kóterildi. Bizdiń qoǵamnyń barlyq salalary qamtyldy. Sonyń ishinde ekologııa taqyrybyn erekshe atap ótkim keledi. Sonymen qatar, Prezıdenttiń partııalyq tizimdegi jastarǵa arnalǵan 30% -dyq kvotany zańdastyrý bastamasy qýantty. Bul bolashaq halyq ókilderine úlken serpin berip, jigerlendiredi. Bul úlken motıvatsııa jáne naǵyz áleýmettik lıft»,- deıdi ol.
Sonymen qatar, ol Memleket basshysy kótergen taǵy birqatar ózekti máselege toqtaldy.
«Prezıdent jastar arasynda óte belsendi taratylatyn sıntetıkalyq esirtkige qarsy kúresti kúsheıtýdi tapsyrdy. Bul óte mańyzdy dep oılaımyn. Sondaı-aq talantty jastardy qoldaý da nazardan tys qalmady. Osy sátte Memleket basshysynyń ózi aıtqan shyǵarmashylyq ındýstrııanyń qoryn qurý óte mańyzdy»,-deıdi Halyq qalaýlysy.
Mádı Ahmetov sóz arasynda aýyl ákimderin saılaý oıdaǵydaı ótkenin tilge tıek etti.
«Bul jerde jaqyn arada ótetin aýdan ákimderiniń saılaýy týraly da aıta ketken jón. Biz bıyl aýyl ákimderi saılaýyn sátti ótkizdik. Bul da birtindep saıası reformalar arqyly demokratııaǵa úlken qadam dep oılaımyn. Sondaı-aq eń tómengi jalaqyny 60 myń teńgege jetkizý taqyryby kóptegen otandastarymyzdy qýantty. Meniń oıymsha, bul «Halyq únine qulaq asatyn memleket» tujyrymdamasynyń kórsetkishi. Jalpy, bizdiń Prezıdentimizdiń barlyq bastamalary men tapsyrmalary oryndy. Endi olardy oryndaý mindeti tur», - dep túıindedi Mádı Ahmetov.