Mádenıet jáne aqparat mınıstrliginiń qoldaýymen úkimettik emes uıymdar 226 jobany júzege asyryp keledi

ASTANA. Qarashanyń 18-i. QazAqparat /Qanat Mámetqazyuly/ -Mádenıet jáne aqparat mınıstrliginiń qoldaýymen elimizdegi úkimettik emes uıymdar 226 jobany júzege asyryp keledi. Bul týraly búgin Mádenıet jáne aqparat mınıstrliginiń alqa májilisi barysynda mınıstr Muhtar Qul-Muhammed málim etti,

dep habarlaıdy QazAqparat.

«Qazirgi tańda IV Azamattyq forýmdy ótkizýge daıyndyq jumystary tolyq aıaqtaldy. Qarashanyń 26-synda osy forýmdy elordada ótkizý josparlanýda. Jalpy, eldegi úkimettik emes uıymdardyń belsendiligi joǵary. Bundaı belsendilik kelesi jyly, EQYU-ǵa tóraǵalyq etý jyly da tereńdeı túsedi degen oıdamyn. Derekterge súıensek, elimizdegi 2 myńnan astam úkimettik emes uıym 226 jobany júzege asyrýmen aınalysyp otyr. Bulardyń barlyǵy qoǵamdyq ómirimizdiń san alýan salalaryn qamtıdy», dedi M. Qul-Muhammed.  Mınıstrdiń aıtýynsha, osy jobalar boıynsha Elbasy júktegen memleket pen úkimettik emes sektor arasyndaǵy áriptestikti nyǵaıtýǵa baǵyttalǵan sharalar júzege asýda.

«Bundaı áriptestik ásirese daǵdarys kezeńinde qoǵamdaǵy saıası áleýmettik turaqtylyqty, ultaralyq kelisimdi saqtaýda úlken septigin tıgizip otyr», dedi M. Qul-Muhammed.