Mádenıet pen óner jónindegi ulttyq keńes qurylýy kerek - Arystanbek Muhamedıuly

ASTANA. QazAqparat - Qazaqstanda mádenıet pen óner jónindegi ulttyq keńes qurý kózdeledi. Bul týraly Parlament Senatynda Qazaqstan Respýblıkasyndaǵy jańa Mádenıet saıasatynyń tujyrymdama jobasyn talqylaýǵa arnalǵan dóńgelek ústelde QR Mádenıet mınıstri Arystanbek Muhamedıuly málim etti.

«Búgingi kúni elimizdiń mádenıet salasynda biregeı baǵyt joq. Aıtalyq, eger mádenıet pen óner salasyndaǵy bilim oshaqtary Bilim mınıstrligine qarasty bolsa, óńirlerdegi mádenı nysandar jergilikti organdardyń qaramaǵynda. Osylaısha, mádenı nysandar arasynda ózara árekettestik, ózara baılanys joq. Sondyqtan jańa tujyrymdama aıasynda biz aýqymdy mindetti alǵa qoıa otyryp, eń birinshi kezekte Ulttyq keńes qurý týraly usynys jasap otyrmyz», - dedi Arystanbek Muhamedıuly.

Bul rette mınıstr qazirgi tańda Prezıdent janynda da, Úkimet janynda da mundaı keńes joq ekenin aıta kele, óńirlik qurylymdarmen ózara árekettestikti jandandyrý baǵytynda ulttyq keńes qurýdyń mańyzy zor ekenin atap ótti.

«Búkil álem birigý baǵytynda damıdy. Sondyqtan da, biz úshin biregeı mádenı saıasat qajet. ıAǵnı, olardyń zańdyq baǵynyshtylyq deńgeıine qaramastan, bizde eń bastysy biryńǵaı repertýarlyq, kadrlyq, gastroldik saıasat kerek», - dedi mınıstr.