Mádenıet mınıstrliginde jemqorlyqtyń aldyn alý boıynsha keshendi jospar ázirlenedi
Kún tártibindegi basty másele mınıstrliktiń jaýapty salalaryndaǵy sybaılas jemqorlyqtyń aldyn alý boıynsha ózara is-qımyl suraqtaryna baǵyttalǵan. Іs-sharaǵa beıne konferents baılanys arqyly agenttiktiń aýmaqtyq departamentteri, mınıstrlikke baǵynysty uıymdar men komıtetter, sondaı-aq jergilikti atqarýshy organdaryndaǵy salalyq basqarmalar qatysty.
Aqtoty Raıymqulova sybaılas jemqorlyqqa qarsy is-qımyl sharalaryn júzege asyrý aıasynda basty nazar aqparattyq-túsindirme jumysyna, normatıvti-quqyqtyq bazasyn jetildirýge jáne «Adaldyq alańy» jobalyq keńsesiniń jumysyn nyǵaıtýǵa bólingenin atap ótti.
Keńes barysynda «Mádenıet jáne sport mınıstrligi – Adaldyq alańy» jobalyq keńsesiniń nátıjeleri týraly sóz qozǵaldy. Jetekshisi Marat Qamzoldaev jaz aılarynda jobalyq keńse músheleri qoǵamdyq uıymdardy tartý arqyly mádenıet jáne sport salasynyń joǵarǵy oqý oryndary men kolledjderdiń qabyldaý emtıhanyna monıtorıng jasaýǵa qatysqanyn jetkizdi.
Ashyqtyq pen jarııalylyqty qamtamasyz etý maqsatynda ata-analarmen keri baılanys ornatylyp, kókeıtesti suraqtardyń bárine jaýap berildi. Nátıjesinde tuńǵysh ret eshqandaı shaǵym túspedi. Bul bastama jalǵasyn tabatyn bolady.
Odan bólek, Marat Qamzoldaev jobalyq keńse kúshimen bıznes-úrdister men sybaılas jemqorlyq táýekelderiniń aldyn alýdyń naqty sharalaryn ázirleý úshin Qazaq ulttyq óner ýnıversıtetinde sybaılas jemqorlyqqa qarsy aýdıt ótkizilgenine toqtaldy. Mundaı tájirıbe kezeńimen mınıstrlikke qarasty oqý oryndaryna, sondaı-aq teatraldy-kontserttik uıymdarǵa engiziledi.
A. Shpekbaev kezdesý barysynda: «Mádenıet, sport jáne týrızm – halyqtyń aınasy. Bul saladaǵy jemqorlyq tutastaı memlekettiń abyroıyna nuqsan keltiredi», - dep pikir bildirdi.
Agenttik tóraǵasy mınıstrlik basshylyǵyn ár óńirdegi mádenıet úıleri men klýbtaryn damytýǵa, fılmder dýblıajynyń sapasyn arttyrýǵa jáne memlekettik tildiń latyn qarpine kóshý jumystaryna qoǵam ókilderin tartýǵa, týrızmniń ınfraqurylymyn jaqsartýǵa shaqyrdy.
Sybaılas jemqorlyqqa qarsy zańnamalyq bastamalardy túsindirý barysynda vedomstvo basshysy jemqorlyq quqyqbuzýshylyqtary úshin jeke jaýapkershilik normalaryn bile turyp, aldyn alý sharasyn qoldanbaǵan basshylarǵa qatysty jazanyń qatańdyǵyn eskertti.
Agenttik tarapynan Sport komıtetine óziniń baǵynysty mekemelerimen birge BUU Esirtki jáne qylmys basqarmasynyń «Sportty jemqorlyq pen qylmystan qorǵaý» baǵdarlamasy aıasyndaǵy is-sharalarǵa qatysý týraly usynys aıtyldy.
Atalǵan halyqaralyq uıymmen «Parasattylyq jaı-kúıi: qoǵamdyq (memlekettik) uıymdardaǵy sybaılas jemqorlyq táýekelderin baǵalaýdy ótkizýdiń nusqaýlyǵy» arnaıy usynym qujaty ázirlengenin atap ótý kerek.
Oqý nátıjesi boıynsha tıisti uıymdardyń barlyq deńgeıde sport «tazalyǵyn» qamtamasyz etý potentsıalynyń kúsheıýi, sondaı-aq joba aıasynda mekemelermen qatar, iri sport is-sharalaryn ótkizý barysynda sybaılas jemqorlyq táýekelderiniń ishki taldaýyn uıymdastyrý kútilýde.
Keńes sońynda A. Raıymqulova agenttik usynymdarynyń negizinde sybaılas jemqorlyqtyń aldyn alý jáne parasattylyq qaǵıdalaryn nasıhattaý baǵyttary boıynsha keshendi jospar ázirlenetinin jetkizdi.
Mınıstrlik osy baǵytta qosqan úlesi retinde eki kórkem fılmniń túsirý jumystaryn aıaqtaýda. Keler jyly qos týyndy kórermender nazaryna usynylady.