Mádenıet mınıstrligi qyzmetkerleri naýqas tilshige bir kúndik jalaqysyn aýdarmaq

ASTANA. QazAqparat - Mádenıet jáne sport mınıstrligi qyzmetkerleri bir kúndik jalaqylaryn aýyr naýqasqa shaldyqqan sport jýrnalısi Galına Polevaıaǵa aýdaratyn boldy. Mádenıet jáne sport mınıstri Arystanbek Muhamedıuly belgili sport jýrnalısine el bolyp kómektesý qajettigin aıtty, dep habarlaıdy QazAqparat tilshisi vedomstvonyń baspasóz qyzmetine silteme jasap.

«Galına Polevaıa - elimizde sport jýrnalıstıkasynyń damýyna zor úles qosqan tulǵa. Birneshe Olımpıada, Azııa oıyndaryna qatysyp, sportshylarymyzdyń jarqyn jeńisterin kógildir ekran arqyly elge jetkizgen Galınanyń endi ózi de jeńiske jetýi tıis. Men bári jaqsy bolatynyna senemin»,- dedi mınıstr. 

Aıta ketsek, buǵan deıin QR Mádenıet jáne sport mınıstrligi Astana qalasynyń ákimdigimen birlesip, 6 qazan kúni saǵat 10.00-de «Stolıchnyı» saıabaǵynda Galına Polevaıany qoldaý maqsatynda jeńil atletıkalyq júgirý (erler -2,5 km, áıelder - 1,5 km) qaıyrymdylyq sharasyn uıymdastyratynyn habarlaǵan bolatyn. 

Esterińizde bolsa, biz jýrnalıst Galına Polevaıanyń aýyr naýqasqa shaldyǵyp, onyń otbasy halyqtan kómek suraǵanyn jazǵan bolatynbyz. Búgingi tańda Galınaǵa quny qymbat, shetelde jasalýy tıis ota qajet. Sheteldik emhana atalǵan otany 290 myń dollarǵa baǵalap otyr. Onyń otbasy úshin bul soma óte úlken. Barlyq turǵyndar men qala qonaqtary, BAQ ókilderi atalǵan sharaǵa belsene atsalysa alady. Jınalǵan qarajat jýrnalıstiń otbasyna tabystalady.