Mádenıet mınıstri elordadaǵy Erjan Maksımniń kontserti týraly aıtyp berdi
«2019 jylǵy 28 maýsymda saǵat 19:00-de «Qazaqstan» ortalyq kontsert zalynda QR Mádenıet jáne sport mınıstrliginiń uıymdastyrýymen jas daryn Erjan Maksımniń jeke kontserti ótedi», - dedi mınıstr elordada ótken baspasóz máslıhatynda.
Atap aıtqanda, jas daryn ıesimen birge Qazaqstannyń eńbek sińirgen qaıratkerleri Sáken Maıǵazıev, Móldir Áýelbekova, Renat Gaısın, sondaı-aq halyqaralyq jáne respýblıkalyq konkýrstardyń laýreaty Aıqyn Tólepbergen óner kórsetedi.
«Osy oraıda úlken kontsert ótetinin aıtqym keledi. Keıbir óner juldyzdary da shaqyrylady, ıaǵnı otandyq jáne sheteldik estrada juldyzdary kelmek», - dedi A. Muhamedıuly. Onyń sózine qaraǵanda, bul kontsert jas daryn úshin mańyzdy qadam bolyp otyr. E. Maksım jandy daýyspen óner kórsetedi jáne kontsert estradalyq sımfonııalyq orkestrdiń súıemeldeýimen ótedi.