Mádenıet mınıstri «azamattar únine qulaq asatyn Úkimet» jobasy jaıly aıtty

ShYǴYS QAZAQSTAN OBLYSY. QazAqparat - Búgin Mádenıet jáne sport mınıstri Aqtoty Raıymqulova Rıdder qalasyndaǵy mýzyka mektebine bardy, dep habarlaıdy QazAqparat tilshisi.

«Mektep dırektory M.Bestýjeva mınıstrge ujymnyń jumysy men aldaǵy josparlary jaıly baıandady. A.Raıymqulova fortepıano, úrmeli aspaptar sabaqtaryna qatysyp, balalardyń shyǵarmashylyq toptarymen tanysty. Mınıstr balalarǵa mýzykamen aınalysýdyń mańyzdylyǵy men qajettiligi týraly aıtyp berdi», - delingen vedomstvo taratqan aqparatta.

Sonymen qatar, Mádenıet jáne sport mınıstri mektep ujymymen kezdesýinde Prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýy jaıly, onda kórsetilgen mindetterdi júzege asyrý jaıynda baıandady. Joldaýdaǵy «azamattar únine qulaq asatyn Úkimet» jobasy jaıly, eldiń damýyn bılik pen qoǵam arasyndaǵy dıalog arqyly qamtamasyz etý týraly baǵyttary talqylandy.

A.Raıymqulova mekteptiń maqtanyshyna aınalǵan, túrli oblystyq, respýblıkalyq, halyqaralyq baıqaýlarda top jaryp júrgen, 2-10 qazan kúnderi Almaty qalasynda ótetin «The Planet of ART – 2019» halyqaralyq festıvaline qatysýǵa daıyndalyp jatqan Sanjar Saǵyndyqovpen kezdesip, ónerli darynǵa sáttilik tiledi.