Mádenı-tarıhı qundy buıymdar shekaradan qalaı ótkiziledi

<p>ASTANA. KAZINFORM &ndash; Qundy nemese sırek kezdesetin zattar men buıymdardy shekaradan alyp ótý talaptary jáne oǵan tólenetin keden quny týraly Qarjy mınıstrligi Memlekettik kirister komıtetiniń mamandary túsindirip ótti.</p>

«Mádenı-tarıhı qundy buıymdardy shekaradan alyp shyǵý nemese alyp kirý úshin memlekettik quzyrly organdardan qorytyndy talap etiledi. Ol buıymdy shekaradan asyrýǵa nemese ákelýge berilgen ruqsat. Keden organdary mádenı qundy buıymdardy anyqtaǵan jaǵdaıda sol qujatqa súıenedi», - dedi Memlekettik kirister komıteti Saýdalyq emes aınalym basqarmasynyń bas sarapshysy Qýat Qaldashev vedomstvoda ótken brıfıngide.

Atalǵan komıtettiń Tarıftik retteý jáne qun basqarmasynyń basshysynyń orynbasary Quralaı Asaýbaevanyń aıtýynsha, mádenı-tarıhı qundy buıymdardy shekaradan alyp ótýge qatysty qundy kedendik organ aıqyndaıdy.

Atap aıtqanda, Eýrazııalyq ekonomıkalyq odaqtyń kedendik aýmaǵyna ákelinetin taýarlardyń kedendik quny 2017 jylǵy 13 jeltoqsanda Qazaqstan Respýblıkasynyń Zańymen ratıfıkatsııalanǵan Eýrazııalyq ekonomıkalyq odaqtyń Keden kodeksi týraly halyqaralyq shartqa (EAEO KK) sáıkes.

«Taýarlardyń kedendik quny, kedendik tranzıt, keden qoımasy kedendik rásimi, joıý kedendik rásimi, memleket paıdasyna bas tartýdyń kedendik rásimi nemese arnaıy kedendik rásim kedendik rásimine ornalastyrylǵan kezde aıqyndalmaıdy. Odaqtyń kedendik aýmaǵynan áketiletin taýarlardyń kedendik quny elimizdiń Kedendik kodeksine sáıkes aıqyndalady. Taýarlardyń kedendik quny jáne ony aıqyndaýǵa qatysty málimetter anyq, sandyq túrde aıqyndalǵan jáne qujatpen rastalǵan aqparatqa negizdelýge tıis», - deıdi maman.