Mádenı mamandyqta oqıtyn 43 stýdentke Prezıdent stıpendııasy beriledi

ASTANA. QazAqparat – Bıyl mádenıet salasynda bilim beretin 3 joǵary oqý ornynyń stýdentterine QR Prezıdentiniń 43 stıpendııasy berilýi múmkin. Mádenıet jáne sport mınıstrligi ashyq talqyǵa shyǵarǵan stıpendııa bólý týraly buıryqta osylaı jazylǵan, dep habarlaıdy QazAqparat tilshisi.

«QR Prezıdentiniń 2022 jylǵa arnalǵan stıpendııasy joǵary oqý oryndaryna bólinsin. Atap aıtqanda, Qurmanǵazy atyndaǵy Qazaq ulttyq konservatorııasyna – 22, Qazaq ulttyq óner ýnıversıtetine – 15, Temirbek Júrgenov atyndaǵy Qazaq ulttyq óner akademııasyna – 6 stıpendııa usynylady. Osylaısha, 2022 jylǵa QR Prezıdentiniń 43 stıpendııasy beriledi», - dep kórsetilgen qujatta.

Qosa keteıik, kadrlar daıarlaý jónindegi respýblıkalyq komıssııanyń sheshimimen bıyl shetelde magıstratýra men rezıdentýrada oqýǵa 385 stıpendııa bólindi.