Mádenı dıalogty álsizdik dep qaraýǵa bolmaıdy – Qasym-Jomart Toqaev

ASTANA. QazAqparat – Prezıdent Qasym-Jomart Toqaev Qazaqstan halqy Assambleıasynyń HHHІІ sessııasynyń otyrysynda demokratııa azamattarǵa erkindik syılap qanaı qoımaı, jaýapkershilikti arttyratynyn eske saldy, dep habarlaıdy QazAqparat tilshisi.

«Demokratııa týraly aıtqanda, tarazyda azamattyń quqyqtary men bostandyqtary ǵana emes, onyń mindetteri men jaýapkershiligi de turǵanyn árqashan este ustaý qajet. Erkindikti bassyzdyqpen shatastyrmaý kerek. Al mádenı dıalogty álsizdik dep qaraýǵa bolmaıdy.

Bir adamnyń bostandyǵy ekinshisiniń bostandyǵy bastalǵan jerde aıaqtalatyny burynnan belgili. Kelisimge uıyǵan qoǵam qurý úshin zańdylyq pen tártiptiń qatań saqtalýyn qamtamasyz etýimiz kerek», - deid memleket basshysy.

Prezıdenttiń sózinshe, bul – ádiletti memleket qurýdyń basty qaǵıdasy.

«Ony júzege asyrý úshin kez kelgen quqyq buzý áreketine jazanyń bultartpastyǵyn qamtamasyz etý qajet. Zań normalary qaǵaz júzinde emes, is júzinde jumys istep, barsha azamattarǵa qoǵamdaǵy ornyna nemese burynǵy sińirgen eńbegine qaramastan ortaq bolýy kerek», - dedi Prezıdent.

Aıta keteıik, Prezıdent Qasym-Jomart Toqaevtyń qatysýymen Qazaqstan halqy Assambleıasynyń HHHІІ sessııasy ótip jatyr.