«Made in Kazakhstan» belgisi bar jańa avtokólikterdiń satylymy eki esege artty

ASTANA. QazAqparat - 2018 jyldyń birinshi jartyjyldyǵynyń qorytyndysy boıynsha Qazaqstanda avtokólik óndirisi eki esege ósken, dep habarlaıdy QazAqparat tilshisi Qazaqstandyq avtobıznes qaýymdastyǵynyń baspasóz qyzmetine silteme jasap.

Qaýymdastyqtan habarlanǵandaı, naryq aıasynyń keńeıýine baılanysty otandyq avtoóndirýshiler óndirisi kólemin arttyryp keledi. Importtyq avtokólikterdiń úlesi azaıyp, jyl basynan beri alty aıdyń ishinde otandyq avtoóndiris satylymy 47,04 paıyzdy kórsetken. ıAǵnı, «Made in Kazakhstan» jazýy bar jańa avtokólikterdiń satylymy eki esege artyp otyr.

Qazaqstandyq avtobıznes qaýymdastyǵynyń keltirgen málimetine súıensek, 2018 jyldyń 6 aıynda Qazaqstanda barlyq tıptegi 14 660 kólik óndirilgen.

Naqtyraq aıtqanda, elimizdegi alty iri kásiporynnyń kúshimen jarty jylda 13 725 jeńil avtokólik (+76,4%), 486 aýyr júk kóligi (-0,2%), 153 avtobýs (-51,1%), 210 tirkeme men jartylaı tirkeme (+60,3%) jáne 86 dana berik arnaıy tehnıka (+60,3%) shyǵarylǵan.

Óndiris turǵysynan qostanaılyq «SaryarqaAvtoÓndiris» ósim turǵysynan +123,2 paıyzdyq kórsetkishpen kósh bastap tur. Alty aıdyń ishinde atalmysh kásiporyn 5297 jeńil, aýyr júk kóligi men avtobýstardy óndirgen. Ekinshi orynda - óskemendik «Azııa Avto». Munda 8573 avtokólik (+51,7%) qurastyrylǵan. Sonymen birge, kókshetaýlyq «KAMAZ Injınırıng» 280 aýyr júk kóligin shyǵarsa, almatylyq «Hyundai Trans Auto» 94 dana tehnıka, semeılik kompanııalar «SemAZ» ben «Daewoo Bus» 89 dana jáne 67 danalyq kórsetkishpen alty aıdy qorytyndylap otyr.