Madagaskarda 1 myńǵa jýyq adam tsıklonnan zardap shekti

<p>ASTANA. KAZINFORM — Madagaskardaǵy «Dıkeledı» tropıkalyq tsıklony saldarynan kem degende 2 adam iz-túzsiz joǵalyp, 915 adam jaralandy, dep habarlaıdy <a href="https://tass.ru/proisshestviya/22859031" target="_blank" rel="noopener">TASS.</a></p>

Tabıǵı apattan zardap shekken adamdar týraly aldyn ala málimetterdi orangeactu portaly Táýekelder jáne apattardy basqarý ulttyq bıýrosyna silteme jasap jarııalady. 

Madagaskardyń soltústik jáne shyǵys bóliginde jyldamdyǵy 140 km/saǵ bolatyn daýyldy jel soǵyp, qatty nóser jaýdy. Nosı-Be araly men Ambre múıisi men Besalampı qalasy arasyndaǵy eldi mekender zardap shekti. Voemar jáne Maroantsetra qalalarynan 751 adam shuǵyl túrde evakýatsııalandy.

Eske salsaq, 2023 jyly Tsıklon saldarynan Madagaskarda myńdaǵan adam evakýatsııalandy. 

Al 2024 jyldyń naýryzynda Madagaskardyń soltústiginde «Gamane» tsıklony soǵyp, 14 adam qaza taýyp, júzdegen úı qırady.