ІІM júrgizýshilerge úndeý jasady
– Qurmetti azamattar! Sizderdi jol júrisi qaǵıdalaryn saqtaýǵa shaqyramyn! Polıtsııa jol apattaryn boldyrmaý, jol júrisi qaǵıdalaryn buzýdyń aldyn alý boıynsha turaqty túrde túsindirý jáne profılaktıkalyq jumystaryn júrgizedi. Osy maqsatta kún saıyn trassalarda shamamen 1,5 myń patrýldik polıtseı qyzmet etedi. Ekıpajdar 50 shaqyrym saıyn ornalastyrylǵan. Júrgizýshiler kóbinese jol erejelerin elemeıdi. Jyldamdyq rejımin saqtamaıdy. Qarsy jolǵa shyǵyp ketip jatady. Mysaly, 5 maýsymda Aqtóbe oblysynda Toyota Alphard avtokóliginiń júrgizýshisi rýldi basqara almaı, aýdarylyp ketti. Apatqa deıin ony polıtsııa qyzmetkerleri toqtatyp, jol erejesin saqtaý týraly eskertken bolatyn. Oqıǵa saldarynan adam adam qaza tapty. Júrgizýshilerdi taǵy da jolda saq bolýǵa shaqyramyn! – dedi ІІM ákimshilik polıtsııa komıteti tóraǵasynyń orynbasary Álibek Keńispaev.