ІІM jeke kúzet uıymdarynyń shtat normatıvin jarııalady

<p>ASTANA. KAZINFORM &ndash; Іshki ister mınıstrligi jeke kúzet uıymdarynyń shtat normatıvin jarııalady.</p>

19 tamyzǵa deıin kópshilik talqylaýynda bolatyn buıryqtyń jobasynda jeke kúzet uıymdaryndaǵy qyzmetkerlerdiń sanyna qoıylatyn talap naqtylanǵan.

1. Statsıonarlyq obektilerdi kúzetý kezinde:

- bir táýliktik kúzet beketine 4,5-ten aspaıtyn shtat kúzetshisiniń birligi;

- on eki saǵattyq bir kúzet beketine 2,25-ten aspaıtyn shtat kúzetshisiniń birligi;

- segiz saǵattyq bir kúzet beketine 1,5-ten aspaıtyn shtat kúzetshisiniń birligi;

- kúzetiletin obektilerden túsetin shaqyrýlarǵa qyzmet kórsetetin jeke kúzet uıymynyń bir táýliktik utqyr tobyna (jedel den qoıý tobyna) 13,5-ten aspaıtyn shtat kúzetshisiniń birligi.

2. Magıstraldyq qubyrlardy kúzetý kezinde:

- aınalma joldardy, jer bederiniń kúrdeliligin, trassadan ótetin joldyń boıyn, eldi mekenderden alshaqtyǵyn, jelilik bóligin tehnıkalyq quraldarmen qorǵaýdy, aýdanǵa tónetin qaýip pen krımınaldyq qaýip-qaterdi taldaýdy eskere otyryp, magıstraldyq munaı qubyrynyń jelilik bóliginiń 40 - 80 kılometrine bir táýliktik utqyr top;

- kúzetiletin magıstraldyq gaz qubyrynyń jelilik bóligi trassasynyń 100 - 160 kılometrine bir táýliktik utqyr top bekitilsin.

3. Temirjol jáne avtomobıl kóligimen tasymaldanatyn júkterdi kúzetý kezinde kúzetshilerdiń sany statsıonarlyq obektilerdi kúzetý úshin belgilengen normatıvter sheginde shart talaptarymen belgilenedi.