ІІM jaıaý júrginshiler týraly usynylǵan túzetýdi alyp tastady

<p><strong>ASTANA. KAZINFORM - ІІM qoǵamdyq talqylaý qorytyndysy boıynsha Jol júrisi qaǵıdalarynda jaıaý júrginshiler týraly usynylǵan túzetýdi alyp tastady. Bul týraly Іshki ister mınıstrliginiń baspasóz qyzmeti málimdedi.&nbsp;</strong></p>

Buqaralyq aqparat quraldarynda buryn «Ashyq NQA» portalynda jarııalanǵan Jol júrisi qaǵıdalaryniń 16-tarmaǵyna engizilgen túzetý jobasy halyq pen saraptamalyq qoǵamdastyq arasynda keńinen talqylandy.

«Usynylǵan túzetýge sáıkes, retteletin qozǵalys oryndarynda baǵdarshamnyń nemese retteýshiniń ruqsat berý sıgnaly qosylǵan kezde jaıaý júrginshilerge jol qıylysy arqyly buryn bastaǵan qozǵalysty aıaqtaý úshin kólik quraldaryna jol berý usynyldy. Qazirgi ýaqytta qoǵamdyq pikirdi jáne saraptamalyq qoǵamdastyqtyń pikirin eskere otyryp, atalǵan túzetý jobadan alynyp tastaldy», – dep aıtyldy ІІM-de.

Buǵan deıin jol qozǵalysy qaǵıdalary, kólik quraldaryn paıdalanýǵa ruqsat berý jónindegi negizgi erejelerge ózgeris engiziletini aıtylǵan edi. Jańa erejege sáıkes, baǵdarshamnyń jasyl túsi janǵan kezde jaıaý júrginshi jol qıylysynda qozǵalysyn bastap qoıǵan júrgizýshige manevrin aıaqtaý úshin jol berýi kerek bolatyn.