ІІM: Úsh óńirde bopsalaýshylardyń qylmystyq toptary ustaldy

<p>ASTANA. KAZINFORM - Іshki ister mınıstrligi bopsalaýshylardyń qylmystyq toptaryn anyqtaý jáne ustaý boıynsha jumysty jalǵastyryp keledi, dep habarlaıdy Polisia.kz.</p>

Sońǵy úsh kúnde úsh qylmystyq toptyń zańsyz áreketi toqtatyldy.

– Oralda uıymdasqan qylmysqa qarsy kúres bólinisiniń qyzmetkerleri ózderin quqyq qorǵaý organdarynyń qyzmetkerleri retinde kórsetip, zorlyq-zombylyqpen oqý oryndarynyń biriniń stýdentinen 500 myń teńge bopsalaǵan jergilikti jastar tobyn ustady. Kúdiktiler qamaýǵa alyndy.

Shymkentte jedel ýákilder qalanyń eki turǵynyn ustap, ýaqytsha ustaý ızolıatoryna qamady. Ustalǵandar jergilikti turǵynnan bir mıllıon teńge bopsalap, oǵan qatysty aqparat taratamyz dep qorqytqan.

Aqtóbede uıymdasqan qylmysqa qarsy kúres bólinisiniń qyzmetkerleri bir mıllıon teńge men Subaru avtokóligin alý kezinde qylmystyq toptyń múshesin ustady. Ol óziniń úsh sybaılasymen ǵımarat jertólesinde jábirlenýshige moraldyq jáne fızıkalyq qysym kórsetip, segiz mıllıon teńge bopsalaǵan.

Sotqa deıingi tergeý júrgizilýde. Bopsalaý faktilerin anyqtaý jáne olardyń aldyn alý jumystary jalǵasady, – dedi ІІM uıymdasqan qylmysqa qarsy kúres departamentiniń basqarma bastyǵy Qýandyq Alpys.