Məskeýde Təýelsizdik kúnine oraı saltanatty shara ótti

MƏSKEÝ. QazAqparat - Məskeýde Qazaqstan Respýblıkasynyń Elshiligi QR Təýelsizdik kúnine oraı saltanatty qabyldaý ótkizdi, dep habarlaıdy QazAqparat tilshisi.

Jıynǵa RF Prezıdent əkimshiliginiń, Úkimet jəne syrtqy ister mınıstrliginiń ókilderi, Məskeýde akkredıttelgen sheteldik dıplomatııalyq korpýstyń jetekshi quramy jəne Məskeýdegi qazaq dıasporasynyń ókilderi qatysty.

Óz sózinde RF-daǵy Qazaqstannyń Tótenshe jəne Ókiletti Elshisi Imanǵalı Tasmaǵambetov turaqty damýdyń 26 jylynda Qazaqstannyń Tuńǵysh Prezıdent - Nursultan Nazarbaevtyń jetekshiligimen 90-jyldary tap kelgen syndarly jyldarǵa tótep berýde ǵana emes, aýqymdy reformalar júrgizýde de mol tájirıbe jınaqtaǵanyn atap ótti.

«Təýelsizdik jyldary jalpy ónim kólemi 20 esege ulǵaıdy. El ekonomıkasyna 265 mıllıard dollar kóleminde tikeleı sheteldik ınvestıtsııa tartyldy. Jańa elordamyz - Astana zamanaýı Qazaqstannyń sımvolyna aınaldy jəne ekonomıkalyq ósimniń negizgi draıver atandy. Qazaqstan halyqaralyq qaýymdastyq pen əlemdik ekonomıkada senimdi serikteske aınaldy. Əlemniń 182 elimen dıplomatııalyq qarym-qatynas ornatty. Qazaqstan Eýrazııa keńistigindegi TMD, UQShU, ShYU óńirlik birlestikterin qurýǵa atsalysty. Birlesip kúsh salý arqyly Memleket basshysynyń Eýrazııalyq ekonomıkalyq odaq qurý týraly bastamasy júzege asyryldy», - dep atap ótti I.Tasmaǵambetov.

Óz kezeginde RF syrtqy ister mınıstriniń orynbasary Aleksandr Pankın eki el arasynda dıplomatııalyq qarym-qatynas ornaǵan 25 jyl ishinde qazaqstan-reseı qarym-qatynastardyń jańa sapaly úlgisin qurý boıynsha aýqymdy jumystar atqarylǵanyn basa aıtty jəne Reseıde Qazaqstanmen strategııalyq seriktestik pen odaqtastyqtyń joǵary baǵalanatynyn, 25 jylda kóregen memlekettik kóshbasshy Nursultan Nazarbaevtyń arqasynda eki el seriktestiginiń nyǵaıa túskenin jetkizdi.