ІІM seks quldyqqa túsken oqýshy isine qatysty pikir bildirdi

<p>ASTANA. KAZINFORM &ndash; Іshki ister mınıstri Erjan Sádenov qyzylordalyq oqýshyny jezókshelikke májbúrleý oqıǵasyna qatysty pikir aıtty.</p>

Búgin Senattyń jalpy otyrysynan keıin tilshiler mınıstrden «osy is boıynsha qamaýǵa alynǵandardyń satty artty ma?» dep surady.

Óz kezeginde E. Sádenov ustalǵan kúdiktiler sany ózgermegenin aıtty.

«9 qylmystyq istiń arasynda beseýi (tergeý amaldary) aıaqtaldy. Bul turǵyda birneshe is qaralyp jatyr. Osylardyń barlyǵyn aıaqtaǵannan keıin, sot naqty núktesin qoıady», - dedi vedomstvo basshysy.

Eske salsaq, bıyl tamyz aıynda Qyzylorda qalasynda mektep oqýshylary synyptasyn seks-quldyqta ustady degen kúdikke ilindi. 

Bir top jasóspirim 16 jasar qyzdy qınap ustaǵany, esirtki berip, jezókshelikpen aınalysýǵa májbúrlegeni týraly aqparat tarady. Oqýshy qyzdyń ata-anasy bul jaǵdaıdy qoǵamdyq qorǵa habarlaǵan.

Qyzylorda polıtsııasy atalǵan derek boıynsha kúdiktilerdi ustap, ýaqytsha ustaý ızolıatoryna qamady. Keıin kúdikke ilingen mektep oqýshylary úıqamaqqa aýystyryldy.

Keıinirek oqýshyny jezókshelikke májbúrleýge qatysty 13 adam anyqtaldy. 

Jaqynda Qyzylordada oqýshyny jezókshelikke májbúrlegen aıyptalýshyǵa úkim shyqty.