M.Sársembaev: QR Prezıdenttigine kandıdattardyń is-áreketine qatysty eskertý men shaǵym túspedi

ASTANA. QazAqparat - QR Prezıdenttigine kandıdattardyń is-áreketine qatysty eskertý ne bolmasa shaǵym túspedi. Bul týraly búgin QR Ortalyq saılaý komıssııasynyń múshesi Marat Sársembaev málim etti.

«Ótken apta ishinde kandıdattardyń ne bolmasa olardyń senimdi ókilderiniń is-áreketine qatysty Ortalyq saılaý komıssııasyna esh shaǵym túspedi», - dedi ol BAQ ókilderiniń saýalyna oraı.

Onyń atap ótýinshe, OSK músheleri aýmaqtyq saılaý komıssııalarymen turaqty túrde baılanysqa shyǵyp otyr.

«Aımaqtardan da esh shaǵym túsken joq. Eger qandaı da bir shaǵym túsetin bolsa, onda biz ony zańnama aıasynda sheshý úshin sáıkesinshe sharalar qabyldaıtyn bolamyz», - dedi M.Sársembaev.

Aıta keteıik, QR Prezıdenttigine kandıdattar naýryz aıynyń 26-synan bastap úgit-nasıhat jumystaryna kirisken bolatyn. Úgit jumystary sáýirdiń 24-i kúni aıaqtalady.