M. Saakashvılı Grýzııaǵa jetkiziletin gazdy Qazaqstannyń jáne Túrkimenstannyń kómegimen ártaraptandyrýdy usyndy

BAKÝ-TBILISI. 8 mamyr. QazAqparat - Grýzııa prezıdenti el Úkimetiniń gaz tasymalyn ártaraptandyrýǵa talpynysyn (biraq Reseıden satyp alyný esebinen emes) oń baǵalap otyr.

Bul týraly Mıhaıl Saakashvalı Baký qalasynda ótip jatqan tuńǵysh Ońtústikkavkaz forýmy aldynda grýzııalyq telearnalarǵa bergen suhbatynda málimdedi.

«Reseılik gazdyń Armenııaǵa tranzıtin tóleý túrinde gazdyń bir bóligin Reseıden qabyldap ta jatyrmyz. Biz Qazaqstanmen jáne Túrkimenstanmen kelissózder júrgize otyryp, gazdy tasymaldaýdyń jańa múmkindikterin izdestirýimiz qajet», - dedi M. Saakashvılı.

M.Saakashvalıdiń aıtýynsha, qys kezinde óz aýmaǵyndaǵy gaz qubyryndaǵy jarylystar bolǵan shaqta Reseı Grýzııany birneshe márte qıyn jaǵdaıǵa ushyratqan. Grýzııa halqy jylýsyz jáne janarmaısyz qalǵan.

«Bul bizdi erkindikten aıyrý maqsatynda jasalyp jatyr. Biraq bul múmkin emes», - dedi Grýzııanyń prezıdenti.

Aıta ketken abzal, Grýzııanyń energetıka jáne tabıǵı resýrstar mınıstri Kaha Kaladze grýzııalyq «Versııa» basylymyna bergen suhbatynda Grýzııany gazben qamtamasyz etýdi ártaraptandyrý boıynsha Reseımen kelissózder bastalýy múmkindigin joqqa shyǵarmady. Búgingi tańda Ázirbaıjan quny tómendetilgen tarıf boıynsha Grýzııaǵa negizgi gaz jetkizýshi bolyp otyr.